Day three (峴港巴拿山 BANA HILL → 越南傳統邊爐 → 落club) 第三日一早係酒店食咗個靚早餐就call Grab去巴拿山。巴拿山係越南三大避暑勝地之一,它常年涼爽宜人ge氣候係許多法國貴族ge避暑度假地。巴拿山擁有世界級ge纜車系統,酒店,城堡以及其他娛樂設施。 今次我哋冇跟團,完全自由行!點解?因為前一晚去買宵夜食遇到個香港人,佢同我哋講跟tour去巴拿山都唔係好抵,跟團HKD 500左右, 但直接買門票是VND 750,000即係HKD 250(2018一月外國人價)所以我哋就決定自己去,買埋門票➕自助餐➕call Grab都係400有找(買門票ge時候可以買埋自助餐飛,好似兌返都係幾十蚊港紙。溫馨提示:山上真系冇咩好食,如果想食得好d就填飽肚再出發!!!)。 由於巴拿山會一段時間調整佢哋ge門票售價,宜家冇再外國人同越南人,變咗外國人同越南人同價,但峴港居民可享有優惠價。可以上佢官網check check。http://banahills.sunworld.vn/en/tickets/ Price is applied from May 10th 2018 to Dec 31th 2018 由我哋酒店出發去巴拿山都係40分鐘車程。 我哋大約12點幾就到咗巴拿山門口,同司機約好時間5點接我哋。通常call車去巴拿山司機都會話等你哋車埋回程,因為路程實在有d距離,淨係車一程客就會蝕錢。 作為一名專業嘅遊客,當然要影返張到此一遊照啦! 買完飛我哋冇直接去搭纜車,而係周圍行下,唔行唔知,原來都有好多地方可以影呃like相! 點擊圖片放大 跟住行咗10分鐘左右就到咗搭纜車嘅站。今次去巴拿山主要都係睇佢d建築物、手動過山車同呢個世界級纜車! 巴拿山纜車被評為世界十大令人印象深刻的纜車之一,擁有5條纜車線路,其中有兩條曾經獲得世界吉尼斯紀錄 → 海拔落差最大同單線最長。 我哋一共要坐兩程纜車上到去主園區,而中途要轉另一架纜車。因為巴拿山係當地黎講都算係高山,所以當轉車時會明顯感覺到溫度降咗,加上我哋去嗰日太陽唔太大,上到半山就開始置身於仙氣中。 我哋一月中去,峴港氣溫係攝氏22/23度,但上到山直接降到11/12度。雖然峴港冬天唔凍都唔需要著到好厚,呢幾日我都係著d好薄ge長袖衫加短褲,但如果plan咗嗰日要去巴拿山就記得著返厚d/帶薄羽絨。而夏天去就最好帶返件外套去啦! 上到主園區我哋就去醫肚先,之前都知山上冇野好食,所以就係咁咿食飽就算。之後,我哋就亂逛亂玩亂影。 點擊圖片放大 係夢想遊樂園有好多野玩,種類應該係冒險樂園、Ocean Park同DisneyLand ge cross over!有得打機、跳樓機、攀岩、4D5D電影碰碰車等其他大型娛樂設施。第一次係室內玩跳樓機,不過冇影到相...... 就係呢個跳樓機(官網相) 點擊圖片放大 +2 係夢想樂園逗留咗一個鐘左右就離開,諗住去搭手動過山車!!我覺得真係好吸引㗎!!但係嗰日太大霧冇開到!!!失望啊!!喊出黎......所以去巴拿山一定要揀好好好好好好天嗰日去!!!既然冇得玩就影多d相啦。港女相show time ↵ 點擊圖片放大 +3 真係覺得自己係個仙境咁,騰雲駕霧 ....... 行到夠鐘就通知司機準備走。今晚晚餐約咗越南ge朋友一齊打邊爐,係越南邊爐,有d小興奮!間餐廳叫Bia Tô, 主打海鮮,係間完全冇遊客ge餐廳,所以落單就會麻煩d,但係d職員都好nice,會耐心幫我哋。(雖然係我哋d fd點野食,但我同男朋友係最早到,d職員都用好有限ge英文同我哋溝通)佢淨係開16:00 - 22:30,下面條link係間餐廳ge資料,可以參考下 ↵ https://www.foody.vn/da-nang/bia-to-lao-dai-3-thang-2 呢個就係傳說中ge越南邊爐(推薦指數:♥♥♥♥♥♥ ) 準確黎講係海鮮鍋,有魚、魷魚、蝦,而湯底係類似冬陰功ge味。酸酸辣辣真係啱曬我口味!食海鮮最緊要係咩?就係新鮮囉!!!加上索曬湯汁,酸辣吊出海鮮ge甜味,彈牙爽口。最後重頭戲係個湯底,吸曬魚蝦魷魚ge精華,正正正啊!!! 煮花甲(推薦指數:♥♥♥♥♥ ) 加咗香茅、辣椒等香料去煮,令花甲食落帶有香味之餘又唔會搶走鹹鮮味。 蟹肉筍片煲 (推薦指數:♥♥) 呢個真係一試難忘,味道難以形容。正確黎講係蟹肉丸筍片煲,唔知係唔係接受唔到筍嗰種味,我覺得麻麻 炸田雞皮(推薦指數:♥♥♥♥♥ ) 一開始仲以為係炸魚皮,點知係frog... 其實味道同炸魚皮一樣,完全冇田雞ge味,炸到好脆,送啤酒一流!! 爆炒田雞(推薦指數:♥♥♥♥♥ ) 雖然之前都有食過田雞,但佢咁樣爆炒冇令到d肉「鞋」,竟然係彈牙得黎又滑。d汁收得啱啱好,唔會太水又唔會太乾。 香辣魷魚絲(推薦指數:♥♥♥♥ ) 同平時我哋食ge魷魚絲差唔多,不過就會濕一d,愈嚼愈有味。 食飽飽,但又未傾夠,當然有下場啦!就係咁,我去咗我人生第一嗰club!相信好多人18歲同中學畢業嗰陣都會話要試下落club、落bar。當然我以前都係,記得仲同我d fd講好話一齊去蘭桂坊飲牛奶!哈哈,係唔係好慫?!但畢業就黎5年,都未去到.....所以真係又驚又興奮! 我哋去邊間我已經唔記得咗,係勞力士酒店附近,大概位置如下。其實圈低ge位置都有好多club、pub同bar,有好多唔同ge選擇,不過最緊要係安全啦!!!我哋嗌咗兩round酒,我就飲cocktail。 點擊圖片放大 氣氛真係好high㗎,唔試真係唔知!呢日真係過得好好好開心! 黎緊day 4 會同酒店篇一齊出,我會盡力出快d㗎啦!