Day two （會安＋cooking tour 峴港） 原本出發前諗住第二日去占婆島潛水，但到左當地奈何天氣凍同太大浪ge關係最後都係放棄 所以就轉左join cooking tour。 個tour係係酒店度book，時間由2pm去到6pm，USD52/人（好貴！係因為我哋太遲book，d平ge團full曬。仲有提一提如果想join one day tour，最好去到越南睇下又或者問下酒店天氣點先book，因為中越ge天氣變幻莫測，提前睇ge天氣報告都未必準，唔係到時又曬錢玩得又唔爽啦！） 由於Tour guide 會2點黎酒店接我哋，加上我哋12點要check out，中間有2個鐘hea又冇得係房，雖然酒店職員話check out左都可以用酒店設施，例如健身室、泳池等，但嫌麻煩ge我哋就係酒店借單車踩去古城。 酒店出發到古城只係要15分鐘，可以去食個靚lunch 係會安，除左古城繁華一d，周圍都好樸素、寧靜、舒服，踩住單車經過ge係一片片田野，一間間唔起眼卻又精緻ge小店，唔再係單車徑、商場、高樓大廈。所以我都好推薦有時間stay係會安ge可以踩下單車，感受下呢個小鎮個氣息。（會安ge交通相比起峴港更適合騎車或踩單車，因為車比較少，但係要注意過馬路，係越南，對眼係可靠過紅綠燈！） Lunch我哋係古城入面ge Morning Glory Restaurant度食，係酒店職員介紹的。 其實好易搵，只要搵到會安橋同三角形建築，直行內街就搵到。 佢有兩間店：Morning Glory同Morning Glory II，不過都係面對面，所以入邊間都無所謂。呢間雖然冇限你最低消費，但就每個人at least one dish one drink。因為我哋食左早餐冇耐，就只係嗌左春卷（Three Best Friends Spring-roll VND85000=HKD30）、越南煎餅（Crispy Pancake VND85000=HKD30）、越南咖啡同士多啤梨奶昔。野食ge味道雖然好食，但冇咩驚喜，同埋係越南食野黎講佢ge價錢都算貴，不過遊客區係咁啦～～ 越南d咖啡，連我呢個平時唔鍾意飲咖啡ge人都覺得好好飲。真心推薦去越南一定要飲咖啡（只不過越南咖啡真係好甜 ） 春卷（Three Best Friends Spring-roll ）（推薦指數：♥♥♥♥♥ ） d皮炸得好鬆脆，用米紙再加埋d唔知咩名ge菜，米粉同花生，口感好豐富！一定要點醬食！！！ 越南煎餅（Crispy Pancake）（推薦指數：♥♥♥♥♥ ） 煎餅係我其中一樣最愛ge野食，雖然冇咩特別，但就真係好好好鍾意食。我哋坐ge位置剛好對住個open kitchen，正正可以睇到廚師整噴火煎餅。 填飽肚就返酒店等tour guide黎接我哋。 今次cooking tour的行程是 1.介紹及遊覽傳統菜市場（採購煮食材料） 2. 體驗傳統捕魚船 3. cooking class tour guide 2點15分左右到達酒店， 我們坐的車是普通7人車，車上除咗司機同導演仲有兩個外國人，所以呢個團得4個團友，哈哈小班教學！！ 啱坐穩，導遊就開始介紹自己同行程。目測個導遊應該廿零歲，英文幾好，不過唔算係d好鬼馬好active，但都有撩我哋傾計。我覺得一個tour除咗睇行程之外，個guide都好緊要！識講野之餘仲要識搞氣氛！ 傳統菜市場是在會安古城裡，就係之前提到ge熟食市場旁。採購完就坐快艇去另一個漁村體驗捕魚船，而我們的cooking class都係系嗰度上。 2個挪威人＋2個香港人＋1個導遊＝nice trip 除咗我哋四個，其他船都係韓國人！今次唔係中國大媽而係韓國大媽 ■！仲要係好似開party咁播曬韓文歌跳曬舞，哈！ 第一次見同第一次坐d咁ge艇仔（係咪咁叫？）好得意！坐嗰陣超驚會入水。仲會送手織戒指畀你。體驗完，上岸就沒人一架單車，踩一段路到煮野食ge地方。 點擊圖片放大 +2 前菜＋鮮蝦春卷＋煎餅＋特色焗魚 全部野都是廚師手把手step by step咁教，自己整的，好有成功感！好有滿足感！睇落好似好少咁，但我哋真係食到好飽㗎，一邊食一邊同團友吹水，時間好快過。最終6點半先上車返酒店，再call車去峴港ge酒店。攰！！！ 其實我好鍾意去旅行參加d當地團（唔係香港導遊，要當地居民，好local嗰隻），因為咁先可以真係體驗到當地文化同風土民情嘛～～ ep.2就到呢度啦，ep.3同酒店篇好快都出㗎啦！！
