2018年1月9日~12日 去咗越南嘅峴港同會安。 越南簽證 越南簽證有三個方法： 到越南領事館辦簽證 網上簽證（非越南政府官方網站） 搵旅行社代辦 我哋喺網上簽證，因為比較方便快捷更重要嘅喺比較平。其實好多中介網頁都可以申請簽證，而我們就用比較多人用的網頁申請 http://www.vietnamimmigration.org/vietnam-visa-application-online 只要填寫所需要嘅資料同網上付款 USD8就完成簽證申請（不過如果你唔想自己d個人資料畀人睇曬嘅話，就要喺填表時揀confidential letter，仲可以揀返自己一張又或者同fd一張，咁就唔驚畀d唔識嘅人睇曬啦），兩天後就會收到中介公司嘅郵件，入面會有visa approval letter 同 vietnamese visa application form。 出發前將呢兩張print出來（黑白或者彩印都可以。而如果揀咗group confidential letter 嘅就只需print一張visa approval letter，唔洗個個fd都print）並且填好vietnamese visa application form就可以。抵達越南國際機場後到辦理簽證嘅櫃檯交visa approval letter ， vietnamese visa application form，兩張證件相（3*4cm／4*6cm / 5*5cm 嘅白底證件相）同護照就可以，之後等職員通知交每人25USD和拿回護照就完成簽證，然後就可以入境了。 等嘅時間視乎去嘅人數，而且櫃檯得一個職員辦理簽證，所以一般都要等15至45分鐘。 機票 我們搭嘅喺香港快運航空（Hong Kong Express） 由於搶到平機票所以兩個人來回連稅先HKD 1,146 ps: 香港快運是廉航，不包行李、餐飲等 但會包每人7kg的handcarry, 所以對於唔喺去買嘢嘅人喺夠用的。仲有峴港就算冬天去都唔會太凍，厚衫唔洗帶好多。 去程：7：15am 回程：18:25pm DAY ONE （峴港會安） 從香港到峴港國際機場要1小時30分鐘。峴港國際機場比想像中細，好似花蓮機場，但就比較新。由落機到辦理簽證櫃檯只喺需要幾分鐘，可能因為我哋是嗰日第一班機，得40幾位遊客同埋我哋一落機就直奔櫃檯排得比較前，所以淨喺用咗15分鐘就搞掂簽證。 簽證櫃檯右邊就喺入境櫃檯，很簡陋。 過完境直行就會見到好多賣sim卡嘅店鋪，都喺賣差不多嘅產品 e.g. 7日4G無限量上網，價錢為USD 7~8。我哋貪方便喺第一間賣咗張7日4G無限量上網卡，USD8，先發現後面嗰幾間全都喺USD7 。 （順帶一提，賣卡記得問佢哋喺咪可以打電話，很重要！很重要！很重要！事關之後用call車app要有電話號碼先可以用到！！！）所以我哋最後都喺賣多張可以打電話的。 至於兌錢，我哋先喺香港將港幣換成美金再到峴港機場換越南盾（香港換錢的地方：發達鳥 地址: 九龍深水埗(地鐵 D2出口) 長沙灣道 226-242號深之都商場 2樓 129號舖 營業時間: 星期一至五 12:00pm-8:00pm /星期六 12:00pm-6:00pm ＊匯率好及不收手續費）。買咗sim卡後就要行到機場岀面嘅兌換店換錢，有幾間店，但匯率都差唔多，所以就入咗間藍色招牌嘅韓國兌換店。我哋一共帶咗1000左右美金，用650美金換咗14,404,000越南盾。然後我哋就變成了千萬富翁哈哈哈！ 喺越南call車用嘅喺Grab（下載網址：http://www.grab.com/sg/ 去泰國都可以用哦）。換完錢我哋就call車去Big C supermarket，點解要先去Big C？因為嗰度有免費巴士去會安，但喺現在已經沒有了！！！我哋再三確認得到嘅消息喺會安嘅免費接駁巴士服務已經停止。原本仲以為有免費巴士去會安可以省慳d錢，最後都喺叫會安酒店嘅車來接我哋。由峴港到會安只需45分鐘車程。到達酒店先中午12點幾，酒店好好可以提早check in，然後就返房補眠4個鐘再出去。 第一天嘅景點就是會安古城。 來之前就睇咗好多古城嘅資料，日頭冇咩特別，覺得太商業化，不過都有另番風味。所以決定晏就5點坐酒店嘅免費車去古城，酒店距離古城好近，唔洗5分鐘車程。傍晚去嘅好處就喺可以感受日頭嘅熱鬧又可以睇到夜晚嘅景色。 ps：會安古城可以唔買門票，因為酒店職員同我哋講唔好買門票。其實古城冇任何圍牆同大門，得d路牌或者花壇標記著『裡面就是古城了』，所以如果唔喺售票處入古城就唔洗買門票，仲有酒店職員同我哋講入寺廟先要買門票，仲教我哋如果有人要查門票，就話我哋喺去餐廳吃飯唔喺參觀。所以我哋冇買門票而且行咗半天都冇人查門票。 不過門票都喺120,000越南盾 / 人（36港幣），唔算貴，買咗就當支持當地旅遊業發展吧 點擊圖片放大 +2 喺會安古城入面食咗好多傳統嘅越南街邊小食，全部都好好食！！！ 蝦肉米糕 （推薦指數：♥♥♥♥♥♥ ）20,000越南盾 好特別，非常有口感，米糕彈牙，鹹鹹甜甜嘅醬料再加上脆條喺第一次食到嘅味道。底層喺無味白色嘅米糕，再淋上有蝦嘅風味醬料，最後撒上d脆脆類似炸米餅嘅嘢。 煎米餅（推薦指數：♥♥♥♥）10,000越南盾 呢個比較熟悉，喺香煎糯米餅，不過淋咗d醬汁後真喺好很食，鹹鹹辣辣咁，非常惹味。 米餃子 （白色是綠豆餡，紅色是蝦）（推薦指數：♥♥♥♥♥♥ ）20,000越南盾 呢個是我一試難忘嘅餃子！d皮煙煙韌韌超彈牙，咬多幾下入面嘅餡就爆出來，再加上d越式酸辣醬，真喺超級無乸敵好吃！！！ 越南法包 （推薦指數：♥♥♥♥） 法包都喺大同小異，法包好脆兼且好有咬口，加上d肉類同菜，口感豐富。 古城入面有好多特色小店，除此之外就喺賣衣服，燈籠等嘅舖頭。不過對於我來講shopping唔喺我旅行嘅目的，感受文化同食先喺旅行的意義。古城邊行邊食，要注意嘅喺入面比較難搵垃圾桶，所以記得自備垃圾袋，到時就唔洗滿手垃圾啦！ 晚餐我們去嘅唔喺大餐廳，而喺地道嘅熟食市場。看中邊檔就坐底點餐，就好似首爾嘅廣藏市場咁。唔洗怕溝通唔到哦，佢哋都有餐牌，有圖有英文有中文。建議去d靠邊邊嘅檔又或者坐著當地人嘅檔，會比較地道。 點擊圖片放大 +2 我點嘅喺烤豬肉米紙卷，男朋友喺烤豬肉米粉，呢一餐淨喺用咗90,000越南盾。 吃完晚餐就行下河邊，夜晚嘅古城真喺好有feel，再同新認識嘅越南朋友坐喺河邊嘅小攤飲返杯越南咖啡（越南嘅咖啡普遍都偏甜，唔鍾意太甜嘅可以嗌佢落少d煉奶），完美地結束第一天最後搭酒店接駁車返去。 ep.2、3和酒店篇稍後再出 越南旅遊小貼士 最好將金額大嘅錢放好，比較小嘅錢就用另一個錢包或袋裝。 坐Grab嗰陣記得上車前先將需要支付嘅錢數好，落車時直接給司機。因為有d司機會因為你喺遊客，會直接叫你拎張大紙或者見到你有錢就隨便叫個價，好容易被騙！ 唔建議喺越南租電單車（小綿羊），因為交通好亂，好容易發生事故。 越南嘅英文水平普遍唔高，所以溝通的時候有點困難，用google translate會方便d。 越南盾的金額大，所以喺Grab或者Taxi會用幾多k顯示。e.g. 45k 就是4萬5千，634k 就是63萬4千。
