每個人都會經歷過等待。等lift，等男朋友，等女朋友，等一份工作，等一個機會....總之每個每日都會有等待的情況。等待係一個過程： 初期，我地都會去預設等待完的結果，我地好相信我地會等到我地想要的東西，所以往往明知到最後都係屬於我地，咁我地等等又有乜所謂。 中期：因為我地知道要用上一段太約的時間去等待結果，所謂的結果就似係種菜種瓜都要等佢成長，而最需要做的，是讓時間令佢成長，得出我地所種的果實。所以我地當然好願意去等。因為我都投放左種子，按左lift掣，唔通真係即時就會出現咩。而人亦都好清楚明白，我係唔會單純去等，我會做其他野去分散自己的專注力。好讓時間過得快d。 中後期：經過時間上的流逝，我地會開始去著重睇結果，因為覺得每分每秒都係付出緊，不論時間，自己傷神去想著要等待的事，總之就係有付出。有付出，自然就會想有回報，都係好正常合邏輯的想法。但當所以明明好隱定合邏輯的想想法，面對不合邏輯的現實，人便會開始懷疑。呢種感覺確實好辛苦，人類係種好脆弱的動物，我地會質疑自己係咪做的事係值得。等到一段時間，會有想放棄的念頭萌生。 後期：經驗會話俾人知，事情應唔應該等。要堅持定放棄。我地因為相信自己所以等，但係會唔會出現，種菜種瓜係咪投放左種子就會發芽，原來全部唔係一百個巴仙係絕對。
