幾經辛苦終於決定book邊間馬爾代夫既resort 去honeymoon 未book 之前就上網搵左好多關於馬代既資料，其實最緊要清楚自己想要邊D野先，咁就可以根據自己意向去搵resort! 1, 沙底 or 珊瑚底 如果去馬代唔係主要潛水或浮潛的話，就可以選擇沙底！沙底影相其實就會比珊瑚底靚，因為個底好清！另外都可以玩水上活動，但個人覺得要玩水上活動唔使走到馬代玩，太貴喇 :) 但如果係想玩下潛水同浮潛的話，咁就一定要選擇珊瑚底了！因為珊瑚底係無時無刻都可以落水玩下魚仔同玩下浮潛的！海上面影相就未必會好靚！ 2, 包餐選擇： AI ( All Inclusive) , HB ( Half Board) , BB ( Breakfast ) 因為係馬代飲水都要錢買，仲要唔平，所以個人認為最好選擇AI, 可以24小時想飲野飲水都得，而且去旅行緊係要relax 下想食野時就食野咁先最正！ 如果選擇AI，係包晒早，午，下午茶 同晚餐的，真係可以來個增肥之旅 我同先生當然選擇左AI 啦，可以任食任飲！ 3, Water Villa or Beach Villa 去得honeymoon 就梗係想影靚相同嘆下啦，所以識揀一定要揀 Water Villa ，係就係貴過Beach Villa 但住落差好遠！ 住Beach Villa 咁不如是泰國仲靚又平！ 4, Budget $$ 呢個係最重要既一項，當然如果有burget 咁選擇自然會多好多，但有時去旅行前周圍格價比較下其實都係一種享受！ 正所謂 “ 未出發先興奮 ”！！ 其實去馬代每人HKD20,000 – HKD25,000 係可以選擇多D，但如果低過HKD20,000 咁就選擇好少同一定無咁靚！ 今次我地係選擇左自己訂機票同resort ，因為計計下係平過搵agency好多的！ 5, 時間 馬代每年4－7月份係雨季，所以價錢相對係全年最平，所以有得慳D會選擇呢段時間去，另外遊客係會少D！！ 好啦，講完上面一大輪野，終於可以講下我最後選擇左邊間resort 同Airline啦！ 一開始我地都係去左D旅行社搵左人俾意見同了解下，但D旅行社一係就只會sale 你貴野，平時就只有彈，一係就hea 你因為一開始講左個budget 所以唔多想show 你！無錯，我地就係去左大部分人會搵ge TC 啦！ 最後我地係揀左 Adaaran Prestige Vadoo , 因為中意佢個珊瑚底，係B級，即係唔係死珊瑚底會靚好多同多好多魚種類！ http://www.adaaran.com/prestigevadoo/ TC個package 係： 新加坡航空 Vadoo resort Water villa HKD17,999/3 night + HKD2220 Tax + HKD900 馬里酒店／每位＝HKD21,119 x 2 = HKD42,238（ AI － 5月底出發) 我地自己分開訂： 新加坡航空 HKD10,200 + Vado resort Water Villa HKD20,310/3 night + Male hotel HKD700/night + boat HKD2,015/ 2位 = HKD33,225 ( AI － 5月底出發) 好明顯睇到係差成萬蚊2個人，重要係D所謂送GE野 resort 都可以同TC一樣！所以識訂一定要自己訂！我地仲可以用慳番GE錢用係新加坡時用，因為我地會停留係新加坡4日玩下！ 其實我地本身都有睇過以下resort 但每間都有些少唔中意GE地方！ 1, Open by Atmosphere 呢間2016 先開都好新，可惜個珊瑚唔夠靚！但全包仲要有5間餐廳，其實我同先生都諗左好耐呢間！ 2, Velassaru Maldives 呢間都靚但唔係全包同無得浮潛 3, Kuramathi Island Resoet 呢間係全包了+水上飛機，但water villa out bud 4, Lily Beach Resort & Spa 因為太多大陸人去同 out bud 了 5. Como Island out bud 了 其實每次book 酒店都好怕book 錯後悔，希望今次唔會啦，期待5月的honeymoon trip, 到時再影多D 相post 出黎！:)
