由於近日身邊朋友開始逃離香港. 同埋隻 Ticketeasy app成日提我有機票優惠. 突然又好懷念年初出走台北的日子.無奈暫時未能瀟灑地離開. 於是.想在此好好回憶.記錄下那6天.好好回味一番. Day 1 唔知邊度黎既淡定.我真係只預早一個鐘到機場... 可惜錯過了班車.心急如焚的我好不冷靜. 總算拖運成功.以為自己仲有時間去食個早餐. 排排下隊至發現.原來已經夠鐘上機.(睇錯登機時間...) 有驚無險.成為最後登機的那車乘客. 飛台北時間都算快過.今次坐長榮.係限時特價機票.我地D位俾人改左幾次.最後換左細機.咩娛樂設施都無, 食個飛機餐.就到了. 可惜.在台灣過關.真的很不習慣的慢... 前後都好多韓國同日本人.大概都等左成個鐘先過到關. 櫃位個先生如上次來台一樣親切.還和我閒聊. 的確.我很喜歡台灣的悠閒和親切.不過有時都好欣賞香港的效率. 終於可以搭車出去正式出發啦!! 今次我地會先去陽明山上的絹絲谷度假村浸溫泉.所以要拖住D行李上山... 坐國光客運先係庫倫落車行去圓山站.落車就開始迷失方向... 望住街邊個地圖好迷茫.突然有個女人見到就停低幫我地.真的太好人了^^ 按她指的方向好快就找到車站轉去劍潭.再轉巴士上山去農橋. 圓山站望出去個花博公園..好似幾靚.但可惜拎住行李無時間去. 因為真的只是普通巴士.所以無咩位可以放行李.好狼狽 搖了成個鐘.兜了不知多少的山路.終於到啦. 落車又係迷失.唯有信直覺同之前cap低的地圖認路. 陽明山上延路很美.櫻花漸開.只係拖住行李.無暇停下欣賞 大概15分鐘.見到條斜路落去.指住絹絲谷.拖住行李真係落得特別快... 落黎有個台妹出來接待我地.幾親切.係咁話我地好厲害自己搭公車入來 之後帶我地參觀房同周圍環境.佢地係自家種菜. 只係我地好想快D趁未天黑出去.因為到達已經4點幾5點. 附近好偏僻.要搭車出去食晚餐.又要原路出去. 因為之前搵了間cafe叫秘密花園在附近.於是延山路嘗試找找. 不知何時有隻狗開始跑在我地前面.然後有時想跑過來.有車經過又會去追車. 相當搞笑.但係我亦都相當地驚佢... 好不容易.在分叉路上和它分手了... 我地都突然發現了那間隱世秘密花園. 但感覺好似關門了.在門口拍了照片.就打算出市集那邊晚餐. 幸好有架的士經過載了我們出去.才知道想走出去.真的還有很大段距離啊. 找了間吃便當的.吃了炸雞脾飯.好滿足,之後在7仔買了溫泉蛋同奶茶回去宵夜!相當好味! 天黑還是搭的士回去吧.counter個小姐本身好擔心我地夜歸.見我地咁早番來反而好驚訝. 之後順路到樓下餐廳參觀了一轉.見廚師在落力招待客人. 回來浸完個溫泉.就結束匆忙的第1天了.期待第2日的尋櫻之行! Ticketeasy 平價機票酒店資訊app: Google Play: https://goo.gl/eXbMxK Apple Store: https://goo.gl/R3douu 絹絲谷森林渡假村 Silk Valley Resort: 台灣台北市士林區陽明山永公路500巷46號 111