我自己好鍾意買台灣書，因為佢有好多類型， 自己最LIKE買語言書同美容書， 唔知點解，好多日本、韓國O既書，台灣都會出中文翻譯~~~O岩晒我地睇^^ 如果你去三聯、商務呢D書店，一定好貴，仲要新書一定冇得減價， 但我又等唔到佢減價先買，新書當然新鮮滾熱辣睇先好架嘛~ 於是俾我搵到一個台灣網站可以訂台灣書，仲可以O係香港OK店自取tim!!!! 佢就係「金石堂網路書店」http://www.kingstone.com.tw/ 我一直都有上開「博客來」、「金石堂」，睇下有咩新出o既台灣書， 但一直有得睇，冇得買= = 最近竟然俾我發現「金石堂」可以o係香港OK店取書，十個讚!! 註冊方法同一般網站冇分別，所以唔多講，主要想同大家分享我今次訂書慳左幾多錢，同埋要幾耐時間! 以下是價錢比較表(已包括運費): Paypal匯率大概係3.7 TWD :1 HKD 咁就慳左四十幾蚊，可能有D人覺得都唔係慳好多，但我覺得總比起去三聯、商務買平~ 呢個係運費表: http://www.kingstone.com.tw/qna/qa_manual_hk_shipfee.asp 我6月29日晚上落單同俾錢，7月4日就收到SMS可以攞書喇~ 佢個網雖然話用Email通知，但唔知點解Email要7月5日先收到= = Anyway, 擺書時俾名、訂單號&包裹號俾OK職員就得啦~ 佢會周不時送d coupon俾你，我買左一次野，就收到4張coupon~ 不過都有缺點ge，就係只可以訂書，精品唔送外地啊~><
