我一直有join D記激光脫毛... 因為我本身真係好多毛...所以就算好貴我都JOIN左手同腳...自己死慳死抵咁供.... 但我想講...除左荷包受罪...每次去做treatment都有d驚...因為佢地每次都sell... 雖然我已經做左最貴O個幾PART...但佢地次次都sell我join其他parts... 我明白佢地sell係一定ga la, 因為佢地都要搵食， 但禽日有個治療師佢d態度真係令我好hurt, 我真係好唔開心...我自己俾錢join, 點解仲要俾人挖苦我 以下係我join D記ge經歷: 我第一個冶療師A小姐，佢算係OK...雖然每次都sell,但我拒絕佢都冇乜野, 同埋唔會攻擊我... 只係叫我好好考慮同埋同屋企人商量~ 不過之後A小姐冇做, 轉左我去B小姐, 個B小姐可能因為係接手，之前我俾d錢佢冇commission, 於是好狼咁勁sell我...我o個時淨係join左小腿..但佢幫我打小腿laser時,超級唔專心， 同埋勁話我大腿幾咁嚴重，做乜唔join埋...佢係一路打一路sell，只係同我打左4個字..超級hea... 跟住我提及話上網forum見到人地話peak hours都係同樣價錢, 佢就好似發左癲咁, 好大聲話冇可能, 又話「人地講你又信?!」 經過o個次我真係驚左佢 ....之後o個次我係特登甩左佢底... 幾經辛苦先要求轉去另一個>< (轉治療師都好煩, 因為佢係要我直接同B小姐講, 喂大佬, 唔通我兜口兜面同B小姐講你態度好差咩><所以都搞左一輪) 第3個係C小姐，C小姐係唔錯, 佢都會sell, 但sell得有技巧, 同埋唔會攻擊你, 所以我都覺得ok, 唔會有壓力~ 不過C小姐最近有D私人事唔得閒, 禽日我去做treatment時就搵左另一個D小姐幫我做~ 而呢個D小姐就係促使我打呢篇文GE人~ 因為我JOIN左full leg，所以每次打都要除淨under, 但我bikini邊d毛毛都幾多, 所以我做treatment前都要剃左佢, 驚俾治療師見到會尷尬~~ D小姐一見到我有剃bikini位，就好似好驚訝好大聲咁話: 「嘩!!~乜你bikini位都有剃架? 」 跟住又一輪嘴叫我做埋bikini位~~ 我話考慮下先..冇錢...佢又繼續講...我冇理佢... 之後佢又不停搵我自己剃左咩位, 好似上唇咁....跟住又係好大聲好驚訝咁話..「嘩!!~乜你XXX位都有剃架? 」 跟住又話我underarm︰「嘩~你underarm黑晒wor」 (我其實已經join左第2間underarm彩光, 根本冇佢所講咁黑 ) 呢樣野都唔係最HURT, 佢見sell唔到我, 就好悔氣咁話︰「又要剃又唔做!!(做埋laser) 」~! 然後佢叫我自己摸下手臂, 摸下D粒粒，我冇照做, 因為我當時已經覺得佢好煩, 點知佢講左一句︰「你睇下你自己都唔想摸喇~~」 我真係「慶」左...忍唔住同佢講: join唔駛錢咩.... 之後佢又一輪嘴話遲D會加價, blablabla...(次次去都話會加架la) 同埋佢做又冇同我用冰敷....大脾後面又冇打... 我真係頂唔順呢個D小姐，佢不停搵我邊度有剃, 然後又好似質問我GE口吻問我做乜唔join埋...我明你要sell客, 但技巧可以好d, 唔好一味挖苦我!!! 仲有做完佢都冇同我約下次booking, 我當時又唔記得左, 因為我只想快d離開佢ge魔掌>< 之後我打番上去約番時間....但最後都冇覆我>< 唉...我真係好唔開心, 我就係知道自己多毛所以先去join, 但可唔可以唔好成日兜口兜面話我做乜自己剃, 做乜唔join, 生晒粒粒, 剃到黑晒.... 我都想變靚, 但我真係冇咁多錢... 可唔可以唔好疲勞轟炸我 dermes, hair removal, hardsell, laser, 好唔好, 激光, 脫毛
