講左準備又講左飛機...呢篇不如講實用 因為網上搵唔到太多關於哈薩克既分享....我估計好多人未去過 希望呢篇可以幫到之後有意去哈薩克既朋友 ******* 1. 天氣: 當地朋友同我講其實最好係5月去。因為5月氣溫舒適d，有10幾20度。10月會好凍...(我知...我10月初至中去已經深深感受到...日日都係負幾至5度...仲落雪...) 2. 衣著: 我用10月既準則同大家分享...建議著d方便穿著既衫。 因為室內熱到喊……室外凍到媽媽聲……所以 Zip up is the best! 我當時衣著如下: 上身: heattech長袖底衫 -> 恤衫(係呀~見客開會露個衣領出黎感覺尊重d呀麻) ->冷衫 ->羽絨 -> 防風雨外套 (以上既衫都係Uniqlo/Zara/H&M/Hollister購入) 下身: heattech加厚長底褲 (姐係虧佬褲) +長黑色牛仔褲+短boot 3.貨幣: 講到唱錢。因為香港無得唱KZT，所以各位要唱定USD或者……你中意唱咩就唱咩啦…我就唱USD啦 基本上你一出接機大堂就會見到呢d Exchange Store。間間rate一樣，唔駛行黎行去格價 我個陣個rate係 USD100 : KZT32500 4. 電話/上網: 之前係準備篇同大家講過可以係香港租wifi egg 或者買上網sim card。但基於腦細好麻煩，又呢樣又個樣…結果我地就去到當地買電話sim card 哈薩克通用電話台有3: Kcell Beeline Altel 唔好問我有咩分別。我只係同佢講我要用一個星期，打到電話上到網，要平。 店員就比左張Beeline我 ↓↓↓呢d鋪仔係機場入面可以搵到… 一張電話card價錢係 KZT2000，但要再比多KZT1000去top up ↓↓↓Top up機係紅色個部。一般都係賣電話card鋪頭隔離。認住呢部機，唔驚買唔到電話card 5.交通: 講到交通……交通完全唔方便呀……聽當地朋友講其實係有Metro…… 但Metro站同市中心距離有d遠…… 答巴士……你唔會識答……因為英文唔通用… 答的士……你可以答，亦都可以話係唯一你可以答既交通工具。所有車都可以係的士 不過!!!醒目d!唔好比司機呃錢 (呢句係當地朋友講既~) 至於我答咩?緊係專車點對點接送啦~我都話我係去工作嚕~ 不過我都答過一程的士既~收費唔貴~好似係KZT2500一程 6. 語言: 你以為自己識英文好巴閉?NoNoNo~~英文係哈薩克呢個地方可以話得20%有用... 走在街頭想問路?祝你好運要遇到個識英文既....如果唔係玩猜猜畫畫都唔得.... 重申: 我係去工作，所以全程見既所人都識英文，亦有個哈薩克人幫我地係必要時做翻譯。 想解決呢個問題....大家可以 1). 學俄羅斯/哈薩克語 2). 去到當地即刻馬住個識英文既哈薩克人 3).跟團啦~ 4). 帶個貌似哈薩克人既人一齊去 (呢個係優點都可以係缺點...) 優點: - 比人呃錢既機會減低 - 哈薩克人以為佢係同鄉會主動同佢傾計，離結交到識英文既哈薩克人踏進一大步 缺點: - 哈薩克人會不停哈薩克語你地....shit講乜9... 係咪好好奇點解我知??因為我遇到呢個問題....= =" 哈薩克人sss用哈薩克語問我係咪哈薩克人?? 待續…
