Almaty - 阿拉木圖 - 哈薩克舊首都 每星期得星期二同五有機由香港去阿拉木圖… 香港去阿拉木圖要飛6小時50分鐘… 第一次聽到air astana…第一次坐air astana… 我第一時間買左份旅遊保 (我唔係次次都買…因為覺得唔會死…哈哈哈) 我係呢到買旅遊保↓↓↓有興趣自己禁入去睇 https://www.hl-insurance.com/hlia/web/tc/product/travel-insurance 仲要係細機…3。3機…記得以前坐Ryanair…又係細機…拋到你阿媽都唔認得 不過~~好彩~~air astana機司手機揸得幾好。好穩。升空同降落都唔會"chor"一"chor" ****** 架機無…私家電視呀~~~ (我問過哈薩克朋友，佢話正常應該有私人電視……) 6個幾鐘…點挨呀… 我建議…有幾樣野你可以做… 1. 訓覺 (因為早機，要早醒，加上旅行前你可能會好興奮，攪到前一晚訓唔著) 2. 睇佢個share電視仔 (我同電視仔…只有兩行距離…抬頭睇簡直係…羅你命) 3. 坐窗口位，記得要坐左邊窗口位 (有景睇!!可以睇到雪山……) 4. 帶定書上機睇 ↓↓↓呢個係右邊窗口位既景↓↓↓ 有無人好期待飛機餐?? 其實我想講…air astana有好多餐比你食…不過堅唔好食…… 唔知點解佢地興一上機就派糖…我無食呀~不過我見好多人都方死執輸咁~拎好多放入衫袋 起飛後就開始派snack。魚仔餅。呢個牌子香港有得買，仲有電視廣告tim 隔左陣又派餐… 所謂既seafood cocktail，其實係蛋蝦蟹柳沙律。呢個好食 Banana Cake都好食。我唔中意食 蕉都覺得好食 至於牛肉同包………可以掟死狗……… 食完又有禮物派↓↓↓ 禮物包有牙膏牙擦、眼罩耳塞、同襪。我記得魚翅長途機都有呢堆野派 再黎!係入境紙……呢張野……好重要!!!!! 去過好多國家，好多地方，個張入境紙都係垃圾 但係呢張…你千企 千企 千企 記得要收好!!因為你要出境返香港靠晒佢!!! 點解我會知!?因為我真係當張紙係垃圾唔鬼見左 到我想返香港個日，個入境職員問我: Where is the paper? No paper no go SHIT~~結果~佢好好人…罰我企左係關口10分鐘…問左我一輪野… "Where did you come?" "When did you come?" " Why you are here?" "Should I let you go?"……等等……就放我走 所以~為免麻煩~記得收好張入境紙 飛6個幾鐘到Almaty……個人(牛)左……呢篇講到呢到…下篇繼續 待續…
