對我而言，哈薩克絕對係一個神秘既地方… 起初我連 “哈薩克”三個字點寫我都唔知呀…陰公… 或者你地會問我點解無理啦喂要去呢個地方。我都唔想架，真係貪佢夠神秘咩… 只係有日，呀腦細同我講:我地要向一帶一路既國家發展開去，第一站係哈薩克。 個trip你負責同準備… (OK，腦細你好地地一個唐人，做乜鬼要同我英文對話…我!D..) 我聽完心諗: 金翅僕街鳥。你講緊乜9? 一帶一路關我咩事姐?咩 “哈殺黑”呀…邊Q到黎架… 準備? 嘩! 比成足足一個月我做準備…真係多謝你呀…腦細 就係咁…哈薩克我要黎啦… 雖然唔係第一次出trip…但我之前都係出日韓trip… 今次呢個地方…我真係零認識…唯有由佢既背景開始 面積: 哈薩克Kazakhstan面積 2,724,900 平方公里，係世界第九大國家…而且仲係世界上最大既內陸國家。嘩!!!香港呢??香港面積只係得1,104 平方公里…細到呢… 首都：阿斯塔納Astana (經度76° 55' 東; 緯度43° 19' 北) ，都係我今次要去既地方 天氣：預計我去既時候係…0~8度…天晴無雨… (唔驚，人地最凍係 -35度呀…0~8度濕濕琗啦) 貨幣： KZT (香港唱唔到KZT，唯有帶美金去到當地唱) 時差: 慢香港 2 個鐘 電壓：220V / 50Hz; 用歐洲既兩腳圓頭 語言：官方語言係俄羅斯語，英語不算太流通 (嗯…姐係雞同鴨講啦…好野...係咪要猜猜畫畫??) 簽證：香港特區護照可以免簽旅遊 14 日， BNO 護照無須辦簽證 前往交通： 香港無直航機到 我今次答Air Astana (HKG -> ALA -> TSE)，機票HKD3,510來回連稅 香港人點可以唔上網? 最方便緊係Wifi 蛋，哈薩克呢個地方…真係唔係好多公司有Wifi 蛋提供… 我搵到一間 -> Esondata，租金：HK$ 80一日 / 按金：HK$ 500， 無限data /3G or 4G。機場T1可以攞蛋 https://esondata.com/product.php 唔中意蛋，可以用上網 SIM 卡 -> Histrend，HK$298 無限data/14日/3G，無語音通話。 只限郵寄送貨 http://www.histrend.hk/products/kazachstan-sim 到最後…因為腦細唔中意用蛋，又唔滿意上網 SIM 卡無語音通話… 結果...話去到當地機場先買SIM 卡… 又係一個考驗…諗住事前睇定機場map，睇下找換店位置同邊到有電話SIM 卡買... 呀~~~~頂~~~~機場個網無map提供.....點呀....到底.... 對哈薩克有興趣?想知更多?想睇我點面對天氣，上網，言語不通種種問題? 記得follow我 待續
