見到嗎???無花無假!高登改圖組極力推介! ↑↑↑葵芳榮芳路↑↑↑食臺 環境:舖頭唔算大,坐到20-25個啦~ 第一次食晚市 兩個人嗌左兩個main一個小食 香煎牛油帆立貝什扒 - $85 帆立貝好鮮味; 什扒有豬牛雞扒,扒有肉汁完全唔會乾淨淨 薯角,不得了!!又香又脆!!炸到岩岩好!!!外脆內軟 沙律…okay啦 焗紅酒七里香雞扒飯 - $50 雞,好滑,飯入晒味~ 雞~全部都係雞~雞~全部都係雞~ 脆炸雞中翼 - $26 呢個!!!!神級好食!!!!真係超級好味!!!! 一啖咬落去個脆皮到,"索"一聲,然後雞汁慢慢流出黎 雞翼醃得好夠味,但唔係一味得個咸字,味道好有層次 呀~講起都想食…… ;( :( 食完餐晚飯,又搵左日去食下午茶 (因為有d野下午茶先有得食) 甜奶肉鬆厚多士 - $28 ↑ ↑ ↑ 法式流心蛋厚多士 - $30 外表平平無奇,靚靚仔仔 點知一切開,蛋液即刻爆晒出黎↓↓↓睇圖 食臺又平又靚又多野食,真係可以當飯堂咁去完又去呀~~!! 完