歡迎蒞臨~~香港威尼斯~~ 由昂坪去大澳最直接既方法係答21號巴士 巴士時間表同價錢如下: 只係需要15分鐘!!!巴士司機就可以由昂坪飛車到大澳 常識問答題: 大澳出名d咩? 1....2....3....叮!夠鐘! 係出海睇中華白海豚同棚屋 $20坐船仔其實好抵。我坐過兩次,兩次都睇到海豚 出海前船家會駛入棚屋區,比大家近距離咁睇下d棚屋sss 出到大海,睇到海豚3條s,不過我影佢地唔到。如果大家想睇海豚,自己入大澳走返轉啦~ 船程大約20分鐘,之後船家會係另一個碼頭停船 上左岸行5分鐘(應該少過5分鐘)就會見到大澳文物酒店↓↓↓ 對我黎講,呢個係新野!!因為我上次黎大澳個陣,呢個位都仲係蓉蓉爛爛,仲係荒廢左既大澳警署 岩岩撞上剛剛,去到有個hotel tour岩岩開始 hotel tour其實要網上預約,但係.....我....靜靜咁混左入去....哈哈哈哈哈哈 大家有無留意到鐡窗有9個子彈窿??其實係有段故 故仔大概係話當年有個印裔雜差唔滿意被革走,於是拿住支槍掃射.....(應該係咁上下) 全間酒店只係有9間房 9間房都可以睇到呢個海景↓↓↓ 酒店入面有間餐廳: Tai O Lookout 據說Tai O Lookout可以食到大澳風味既食物,例如蝦醬豬扒包,蝦醬雞翼,紫貝天葵芝餅...我無食過呀~~唔知好唔好食呢??Ummm.... Tai O Lookout隔離有個香草corner... 參觀完酒店,各位可以答lift走↓↓↓ 我覺得呢個設計同Rock Bar Bali 有d似...當然實際係差幾皮^^" 沿住海邊行出市集,你會見到曬蝦膏蝦醬既地方,當然仲有得買 賣家姨姨話: 上面酒店餐廳都係幫襯我買蝦醬黎整豬扒包同雞翼架!!你去餐廳食過覺得好味記得落黎買喎!! (嘿~!!你地夾埋架??) 行呀行~行呀行~貓貓無處不在~愛貓之人歡迎去集郵~點擊圖片放大 +2 講開又講~~大澳吉慶前街有間貓澳cafe 專門收留大澳既流浪貓~去開集郵既朋友~都可以去坐下食下同買下~ 行到咁上下,不如坐低食碗豆腐花!! 薑汁蜜糖!!好好食呀!!!而且仲好透心涼~~ 其實.....大澳都好好掃街...有炭爐海鮮乾,炭燒雞蛋仔,鹵水大墨魚....好多好多..... 但係因為時間關係...我食左↓↓↓ 咋....大澳魚蛋 $10/ 5粒中size ; $12/ 2粒大size 魚蛋上面搽左蝦醬(有辣有唔辣,任君選擇) 我就搽左兩粒辣兩粒唔辣仲有一粒原味~係好特別既~~!!! 黎到呢條橋~大澳之旅就到尾聲啦~~ 大家如果去長洲去到悶,不防入大澳行返轉。發掘下大澳掃街既樂趣。 完