我地d都市人因為工作關係一日兩至三餐都習慣出街食....返工返學放lunch得個1個鐘....排得隊黎又唔夠時間食....食又要食得快....要快....通常都係碟頭飯....碟頭飯....正常又多肉少菜...有時送個例湯一係就水到_ _一係就咸到腎炎...(我知你懂的) 其實心知好唔健康...但係又無辨法~ 唯有得閒食下素...令自己個心好過d啦 ****************************************** 話說行完536級樓梯之後肚仔餓....所以去左寶蓮禪寺食齋 有兩個價錢比大家揀: (1) $98 / 人; (2) $138/ 人 佢用人頭餐咁計,每多一個人就會多一款齋,而每款齋既份量都會相對増加 (我知因為我偷睇隔離檯 :lol: ) 我一行四個人揀左食(1) ,齋菜如下: 彩虹滑豆腐; 冬菇扒時蔬; 碧綠腐球片; 脆皮炸春卷; 羅漢齊; 古法老火湯; 白飯 古法老火湯...好淡... 5款齋菜入面,個人比較中意脆皮炸春卷同碧綠腐球片 春卷入面包蘿蔔絲,清得黎好香口 碧綠指青椒西芹青瓜翠玉瓜炒埋一碟,賣相唔靚但食落爽脆 彩虹滑豆腐d 彩虹其實唔差,粟米好甜,送飯一流 冬菇扒時蔬d時蔬小唐菜有少少老,但冬菇味夠香 食飽起行! 下一站!大澳! 待續