唔知身為香港人既你地，有無去過睇大彿?對上個次去大彿又係幾時?? 話說西瓜廿年前去過一次，當時仲未有「昂坪」呢個名，更加未有昂坪360…T^T 以前去大嶼山睇大彿只可以答巴士…仲要d巴士勁唔舒服，而且要答勁耐……印象中，要答一個半鐘…… 喂!!!你地呀!!!睇到呢到咪以為西瓜大你地好多!!! 入返正題，西瓜原先諗住今次答下昂坪360個水晶車廂……好似好巴閉咁 點知去到個360個纜車站先知佢要臨時維修= =" 拿~~我有去旅行前做足準備架~但係學DODO姐話齋……意外意外，意料之外… (MG好老土) 我唯有答巴士……又答巴士呀……!!!! 好彩~~又幾快喎依家!好似45分鐘就到~ 一落車右手邊你會見到↑↑↑ 左手邊你會見到↓↓↓ 想行邊邊先，你地自己決定啦~~我就行右先! 你睇你睇~幾無人~條路一無人，心情都開懷d 沿路兩邊有代表住12生肖既神將 經過晒12個神將~有268級樓梯等住我~ 不過~呢d小事難我唔到既~ 上到黎，風好大~好涼爽~ 我覺得佢地好靚~如果係真人~應該會係一班靚女 大彿腳底，你可以飽覽成個昂坪既景色，紅紅綠綠藍藍咁，望完對眼都精靈d 平時睇得電腦多，依家當洗眼~ 雖然我無因為上完黎而覺得身心舒暢左； 雖然我亦無因為上完黎而覺得生活上既壓力突然消失 但係閒時走出石屎森林，走入真森林，感覺係唔同d既~ 黎啦黎啦~抖完好行返落山~仲有好多地方要去!! 上完268級再落返268級，再行入d，我地黎到大雄寶殿 我無特別宗教信仰，所以無特別拜神。 但係今日天氣好好，藍天白雲，仲有d涼風，四圍影下相係個唔錯既選擇 講到自己好pro咁，咪又係用iphone影~!!!! 黎到呢到……我好肚餓……要去醫肚……唔係會無力行落去 下個post，我帶大家入寶蓮禪寺食素!! 待續
