有人話Afternoon Tea 係女人既專利; 亦有人話女人中意食甜野 前者，我認同。 因為你好難見到一班大男人約埋去tea.....係個比較悠閒‧比較靜‧既地方afternoon tea/high tea，食細細件‧擺得靚靚又好精緻既甜咸點，而唔係茶樓或茶記，飲茶或者食奶油多喎 拿~! 我唔係有d咩歧視呀~只不過如果見到一班男人high tea，感覺總係好HEHE 後者，我唔完全同意。 因為我係女人，但我唔中意食甜野。 唔好意思~~廢話太多~~我入正題 最近試左呢間afternoon tea ↓ ↓ ↓ 珀薈酒店 19 樓 --- Uptop Bistro and Bar 黎~我地睇下meun 先↓ ↓ ↓ 呢個係摩天輪set 。佢另外有個夏日啟航set...我無食所以連個meun都唔記得影，真係抱歉，我係最底比返條link大家啦~~~~好無~??? Scone....嗯...可以做得更好... 假如你有食過半島個scone...又假如你有食過London Queen's Park附近個間The Wolseley.... 不過~佢個果醬唔錯架~~~ 炸雞粒好出色! 烤雞串好泰式!蝦串都好好食! 重點要出黎啦~~~~ 尖東裡的摩天輪↓ ↓ ↓ 再重新強調....我實在係唔好甜野...所以對坐係摩天輪入面既甜點...比唔到咩大意見....好甜呀老友~~~特別係粒Blueberry Chocolate.... 好彩有杯甘菊茶沖一沖個口..... (可以要求換茶包) 黎!除左食野~!我地仲要食景! 都可以算睇到海景既~~如果你地要求唔高~~ 提提大家: 如果想試下尖東裡的摩天輪記得提早book檯~~~仲有~~!!!!!記得!記得!記得!要要求坐海景位~~~(重要既野要提3次) 有興趣知埋夏日啟航set既朋友~請移玉步到Here 完
