近日見到網上流傳海謄漢堡。到底係咪鱔稿?我地即刻去會一會佢！ EC Kitchen 位於元朗鳳攸南街。荃灣有分店。 叫左個海膽黑松露芝士手打漢堡包 大家見我"手打"兩隻字較大左font size…應該知佢出名在呢點 講外觀: (i) 睇圖就知有厚度。要擘大個口先咬得晒 (ii) 海膽分量都唔少，排得好整齊；黑松露醬亦都唔係得一兩點 (你地明我講咩既~有d鋪頭真係得一兩點……) 講口感: (i)麵包外脆內軟 (ii)漢堡…食落似黑椒牛根丸… (iii)海膽好乾…我都係中意食海膽刺身多d… 講味道: (i)芝士好像不見了 (ii)海膽唔知係咪熟左…好咸呀朋友 (iii)黑松露…味唔夠香 ***總結…除左牛味 (食完個口仲幾酥)…同海膽好咸既味…其他味是沒有的… 好聽d講，可以話所有味加埋一齊好夾既…夾到有d味消失左。哈哈哈…咀好賤 講抵食: $98…你話呢? 加多$10有薯條同野飲…薯條↓↓↓ 我又想講賤野…………大家有無係supermarket買過一大袋裝d急凍薯條返屋企炸黎食???如果有……你會知我想講咩~~哈哈哈哈~最中意有共鳴既你地 黎到呢到我都無講到底EC係咪伏……嗯……不如你地自己領悟丫！好無！？ 我想講既係…人一世物一世…好食同唔好食都試下啦~~ 完
