某日。同朋友諗住去「大窩口」打邊爐 點知⋯6:30去到已經話派晒飛⋯ What!?乜依家咁癲架咩!?6:30喎~平日喎~ 我知,我無book係我唔岩☹️無計啦~轉場啦~ 誤打誤撞,走左去間唔駛點等既邊爐,心諗:咁少人食,應該都…死架啦… 就係呢間↑↑↑ 點知!!!!!!有驚喜喎~!! 開始前,請揀兩個湯底同肉纇 我揀既係麻辣同芫茜皮蛋 少少失望既係.....麻辣一D都唔麻同唔辣,不過入面既鴨血好好食! 要小心! 鴨血入面有熱湯爆出黎!! 芫茜皮蛋不過不失啦~ 除左羊肉,我款款都叫晒 肉類新鮮,算多款選擇,最緊要!上得快!!個頭落單,呢頭就送到上檯。 除左點餐紙上面d豬牛羊,仲有4個大櫃可以自助拎。每個櫃有4層…肉。海鮮。菜。麵。丸。真係乜鬼都有 真心推!呢粒↓↓↓↓花生味最好食!!!!! 佢唔係雪米糍呀傻仔!!咪直接食!要煮架喂~~~ 除左多野食,野飲都好多選擇 有6款自由斟,3款花茶自己沖,仲有大雪櫃凍飲自己拎。 話到明係麻甩!我緊係飲啤酒啦~獅威同嘉士佰隨便飲! 打邊爐你唔係飲熱花茶呀~~~???? 喂~!你咪以為咁就完~~~仲有10款雪糕(是Dreyer的),3款雪條,同雪米糍ss~等緊你呀~~!!今次真係雪米糍~可以一開袋就食 有無人好關心醬料???? 有個好大既自助醬料Bar,你想點混醬都得。 特別既係,佢有腐乳醬同花生醬,但係無芝麻醬… 試下新野啦各位~~~花生醬!好食!! 其實呢間野有少少負皮,話佢偷用台灣馬辣既名黎香港開店 又有人話佢同台灣個間無得比。呢點我唔評論。因為我無食過台灣個間真馬辣 不過…百零蚊任食2個鐘,火鍋料又有咁既質素又多選擇…都算係咁啦~ 完