最近請教GOOGLE大神: 香港cafe推介,大神指左我去呢到↓↓↓ 3rd Space位於上環普慶坊,一條靜英英、悠悠閒、絕對會比人忽略既街道。 舖面一d都唔起眼,如果唔係專登搵,眼大睇過龍都唔奇。 不過佢勝在做過《分手一百次》嘅拍攝場地,算有d名氣,都有幾多人專誠走黎呢到(我估係,除非唔係) 3rd Space最出名係呢個三層Pancake 。呢個係Earl Grey Tea味~Wow~~~~~ 8-O 8-O Pancake 即叫即整 所以要等20-25分鐘 (絕對唔過份) 想做偽文青係需要點點耐性.... 上檯時熱辣辣香噴噴。伯爵茶味好香。加埋甜絲絲既蜜糖脆卜卜既早餐脆片一齊食~係夾既~!!!不過Pancake 份量好大,對於從來唔好甜品既人黎講,要食晒真係有難度。想唔做大嘥鬼!? 大家不妨嗌一份幾個人share,然後試埋佢其他野食。仲好! Pancake 配Flat white 今次仲唔呃like呃到爆!? 同場加影: 其實我仲嗌左個burger?Sandwich??唔記得叫咩名,不過我想講呢個burgerSandwich好好食~~~~~~!!!!!!個包卜卜脆 。入面係辣辣地既雞肉同菇 因為呢個(包?) 絕對值得我再去!! 完