‘’第一篇就決定是你了！'' 作為芝士迷，見到芝士當然要狗衝試下先啦。 事關之前小弟對芝士豚肉飯的評價不低，再加上情人節，見到牛肉飯梗係即刻買翻個做Lonly晚餐啦！ 點擊圖片放大 +2 有可能係我外賣既關係啦，聞落去陣味有啲難頂... 畢竟，度的。吉野家係咁上下啦。 我既食法就係倒曬落去個飯度然後好似韓國拌飯咁樣撈到好恐怖。 附上飯盒遺照一張。 小弟認為，牛肉飯加芝士會比起豚肉飯食得仲舒服同好食。 本身個芝士醬好得意，奶味極重。（其實個醬同街邊啲牛奶芝士餅差唔多） 吉野家豚肉因為本身醬料問題，個豚肉飯食起上嚟個口入面陣奶味會濃到散唔到，連個鼻都聞到。不過食多幾啖就冇事，甚至會覺得唔差。 但係吉野家牛肉汁可以中和翻芝士陣奶味，起碼食起來會冇咁勁先啦。 味道其實同豚肉飯差唔多（？），至少我覺得可以值得一試，冇伏！ 至於價錢就...芝士牛肉飯比豚肉仲要貴4蚊，承惠$46。 好吧，我不是讀Econ的，商業手法依啲我識條鐵...
