見到朋友 post 唧花蛋糕，😍好靚～問咗佢係邊度學，老師教成點，教咩～好唔好玩呀～見到佢蛋糕相，我直情覺得佢好天才啊！ 韓式唧花，經過多方面問價同挑選後，最後選擇都係揀番朋友跟Miss Vivian私人學（因為佢真係有成品相，我睇到有啲信心），的起心肝（因為朋友成品太靚）🤣🤣～Miss Vivian開始解說唧花工具，一個一個解釋，當對材料都有了解後，就開始調色。 估唔到調色完，我淨係見到啲顏色，已經覺得好靚好鍾意，雖然我係初學者（真係連整個麵包都要研究好耐😫）膽粗粗嚟學，但係知道老師話差唔多每個上嚟學韓式唧花都係新手，我都冇咁緊張喎！ Miss 淨係建議唔好揀一個顏色，其他都可以揀⋯⋯你諗諗到係啲咩顏色？？？就係綠色呀！因為佢話綠色唧花，整完之後就好似整🥬生菜🤣🤣我就同Miss講我好緊張呀！唔敢試😫佢同我講：唔使擔心，整得唔好可以再整過！我明😟但係突然間覺得自己係手殘上身⋯⋯⋯⋯我扭扭令令下，佢係我面前再示範多一次，睇清楚啲，跟住我試吓，有啲緊張，嗌晒救命，佢又捉住我再整一次，唧第三朵開始，真係開始整到喎！😂😂其實真係幾開心！竟然有滿足感喎！［傻笑～] 唧花真係好好玩，我揀左自己鍾意嘅粉色系，調得好靚，好開心。 我覺得正常都唔俾影相，何況錄影啊！😒我連影相都唔知俾唔俾影，我都唔好意思拎電話出嚟😞我沖口而出問，Miss可唔可以影相？點知Miss話：可以！影相啦！☺️如果你真係驚唔識嘅話可以錄低佢！！What!？ 😳我真係覺得我只係聽錯囉！出邊啊整個簡單嘅麵包都唔俾你錄影啊！直頭覺得Miss好有heart❤️（嗱嗱嗱你哋自己問咗可唔可以錄影先好啊！我係咁啱我自己問佢可以咋！） 不過而家睇返好有用，我本身學完掌握到已經識整;再睇返覺得容易好多，我阿媽都叫我教佢整，我諗住試吓！如果佢鍾意整其實可以去跟Miss學🤣🤣我自己本身最鍾意繡球花，今日整其中一款係繡球花，即刻覺得勁正！繡球花先唧小小的花，最後再張d小花拼埋做一個繡球花，好可愛🥰 當所有花都完成後，真正難嘅係，將啲花放喺個蛋糕上面，Miss Vivian話可以自由發揮，但係真係好難，我都係忍唔住叫Miss幫手，佢覺得因為我啲花比較和諧，顏色比較容易拼埋一齊，揀最靚嘅放喺最突出嘅位置，唔係好靚嗰啲，又或者真係特別差啱啱開始整嗰啲，就放喺入邊，或者係墊住喺另一朵花下面，所以最後我組合完之後蛋糕係：「好靚！」最後發現，原來最大嘅難題：係唔捨得食呀😫點算呀！ 學習心得：1. 唧花真係唔可以淨係睇書學，手勢，力度，方向，位置啦，完全係兩回事，當自己整嘅時候先發覺有老師教得好，真係好緊要，之後唧花好得心應手！變得好容易～😝因為好多人私底下問我去邊度學，我直接post出嚟https://blog.ulifestyle.com.hk/bakery2. 調色真係超級好玩，係我最like的，調成自己想要的顏色太療癒喇，好可愛。3. 練習練習練習，不斷地練習呀。4. 我喺學之前其實唸咗好耐，但係都唔知揀邊間，好彩朋友介紹，私宅教，一對一，真係好好彩，揀到好導師，唔使兜兜轉轉！因為真係導師好正，我都好唔捨得上完堂😆😆！手痕呀～ 6.唧花方法正確嘅話其實隻手都唔攰， 亦都冇坊間話會痛呀之類嘅嘢，而且其實都幾輕鬆7.說實在話，做完作品真係唔捨得食。但我最後都係有食嘢✌🏻 韓國裱花蛋糕好靚，完全係呃Like 100分😉8.其實我真係冇乜美感，但係我都覺得學完好有成就感！9.題外話，我學咗唧花，最後，我阿媽都學埋一份😂😂 PS好多人私底下問我去邊度學https://blog.ulifestyle.com.hk/bakery
