餃子係北方嘅主食之一，可能我外婆係北方人嘅關係，佢整嘅餃子真係冇得頂，可惜傳統嘅做法實在太繁複。。。以我嘅資質應該唔會學得識。。。所以唯有整個簡易版先啦～ 難易度：★★★☆☆ 卡路里：754 Tag：#OK易整 #飽肚 #主食 #鹹點 #微波爐 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 餃子皮（可能需要剪細） 12塊 菜苗 150g ｛餡料｝ 免治豬肉 200g 洋蔥 半個 粟粉 1湯匙 糖 1湯匙 豉油 1湯匙 麻油 1湯匙 雞粉 1茶匙 工具： 大碟 1隻 湯匙 1隻 保鮮紙 廚房抹手紙 步驟： 1）洋蔥切碎，同所有餡料材料攪勻，分成12等份搓圓 2）將菜苗鋪喺碟，之後放肉丸，鋪上餃子皮，掃上水 3）將廚房抹手紙整濕之後完全覆蓋餃子 4）包好保鮮紙，入微波爐，600W，6分鐘，配餃子醋，食得！（因為每隻餃子之間需要空位，如果一碟唔夠放請分開2次叮） *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心 *:._.:*~*:._.:*~*:._.:*~*:._.:*~*:._.* 搜尋或查閱食譜更輕鬆！ 立即瀏覽我嘅 Cookpad Page
