唔知大家有冇食過日本嘅納豆呢？納豆係一種傳統嘅食品，通常配白飯食，非常有益，不過由於係發酵食品，所以唔少人會頂唔順納豆嘅氣味，就連日本人都唔係個個食得到納豆。不過我就好鐘意食嘅～無論係配白飯定蕎麥麵都別有一番風味～ 難易度：★☆☆☆☆ 卡路里：396 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 納豆 1盒 素麵 1束 秋葵 1條 工具： 中碗 1隻 筷子 1對 步驟： 1）素麵係碗，加熱水，入微波爐，600W，3分鐘 2）輕輕攪散，加入秋葵，再叮1分30秒（如果麵身未軟每次加叮30秒直至完全熟透） 3）隔走水份（小心！會非常熱！），用凍水過冷河 4）秋葵切粒，納豆依照個人喜好調味，攪拌好之後放係素麵上，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心 *:._.:*~*:._.:*~*:._.:*~*:._.:*~*:._.* 搜尋或查閱食譜更輕鬆！ 立即瀏覽我嘅 Cookpad Page
