早一排好流行嘅電飯煲番茄飯應該好多人試過～真係幾好食～所以我又試下用微波爐睇下整唔整到～結果令人相當滿意！番茄嘅天然酸味令到成個飯嘅口感變得清新，顏色亦都好吸引～事不宜遲，快啲買齊材料整嚟試下啦！ 難易度：★★☆☆☆ 卡路里：392 x 2 Tag：#簡單 #低卡路里 #高纖 #飽肚 #蔬菜 #飯 #主食 #微波爐 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 米 1/2杯 清雞湯 1/2杯 水 1/4杯 雞髀肉 1塊 西蘭花（或其他綠色蔬菜） 50g 番茄 1個 油 1湯匙 蒜蓉（Optional） 1/2茶匙 豉油 2茶匙 味醂 2茶匙 鹽 少許 胡椒粉 少許 雞粉 少許 工具： 大玻璃兜（我係用1.5L嘅西方形康寧煲） 1個 湯匙 1隻 茶匙 1隻 步驟： 1）米洗好，用飲用水浸25分鐘 2）雞肉切粒，用鹽、胡椒粉同雞粉醃10分鐘 3）西蘭花切細，番茄去頂界十字 4）隔走洗米水，除咗番茄之外加入所有材料，攪勻 5）將番茄十字向底放係米中間 6）蓋好入微波爐，1000W，25分鐘 7）檢查有無滾瀉，再叮25分鐘，如果仲未收水加叮15分鐘直至收水，攪勻食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心 *:._.:*~*:._.:*~*:._.:*~*:._.:*~*:._.* 搜尋或查閱食譜更輕鬆！ 立即瀏覽我嘅 Cookpad Page
