黑擝擝嘅朱古力蛋糕就整得多喇～所以今次就整個白朱古力蛋糕啦～白朱古力嘅甜味加埋蘋果天然嘅酸味，再襯埋玉桂獨特嘅香味，呢個蛋糕用嚟做下午茶再配一杯黑咖啡真係至高嘅享受！ 難易度：★★☆☆☆ 卡路里：475 Tag：#簡單 #獨食易肥 #少食多滋味 #甜品 #早餐 #下午茶 #微波爐 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 蘋果 1/4個 白朱古力 40g Pancake粉 3湯匙 牛奶 3湯匙 黃糖（或白砂糖） 2湯匙 玉桂粉 1茶匙 工具： 中碗 2隻 湯匙 1隻 茶匙 1隻 步驟： 1）白朱古力同牛奶一齊入微波爐，600W，45秒，之後搞溶佢（如果唔夠熱加叮30秒） 2）加入1湯匙糖同Pancake粉攪勻 3）蘋果去核切粒，係另一隻碗用玉桂粉同1湯匙黃糖撈勻 4）將蘋果加入粉漿攪勻，入微波爐，1000W，1分45秒（直至表面乾燥），食得！ *感謝同好Carol提醒，材料中糖既份量已修正為2湯匙 *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心 *:._.:*~*:._.:*~*:._.:*~*:._.:*~*:._.* 搜尋或查閱食譜更輕鬆！ 立即瀏覽我嘅 Cookpad Page
