又一邪惡之作！好好食！好好食！好好食！因為真係好好食，所以要講三次！濃郁嘅朱古力令人欲罷不能～熱辣辣香噴噴～真係肥死都抵！！要注意嘅係優質嘅朱古力對於呢個食譜嘅重要性，建議使用半甜黑朱古力。 難易度：★★★☆☆ 卡路里：890 Tag：#OK易整 #獨食易肥 #少食多滋味 #甜品 #下午茶 #微波爐 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 牛油 2湯匙 朱古力碎 1/2杯 可可粉 2茶匙 雞蛋 1隻 糖 1湯匙 鹽 少許 朱古力碎 1湯匙 工具： 大碗 1隻 細碗 1隻 中碗 1隻 打蛋器 1把 叉 1隻 步驟： 1）牛油同半杯朱古力碎係細碗，入微波爐，600W，45秒，搞一搞，再叮30秒，之後用叉攪勻直至完全混合 2）加入鹽同可可粉攪勻 3）係大碗將糖同雞蛋用打蛋器打至起泡 4）將朱古力加入蛋漿攪勻 5）係另中碗內塗抹少少牛油，灑少少可可粉可幫助蛋糕脫模 6）將朱古力漿倒入中碗，之後將1湯匙朱古力碎埋入中心，入微波爐，1000W，1分30秒 7）稍稍攤涼之後都係碟上，按喜好裝飾，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心 *:._.:*~*:._.:*~*:._.:*~*:._.:*~*:._.* 搜尋或查閱食譜更輕鬆！ Cookpad Page： https://cookpad.com/tw/%E4%BD%BF%E7%94%A8%E8%80%85/6364344
