天氣開始熱~又係時候食沙律!不過請放心,我唔會叫大家切啲生菜撈沙律醬就當係一個食譜嘅~所以今日要介紹嘅就係一個高蛋白低脂飽肚嘅健康沙律,只要2樣材料!醬汁隨你鍾意~事不宜遲~快啲去買材料啦~~~ 難易度:★☆☆☆☆ 卡路里:350 ** 卡路里只供參考,唔同牌子嘅材料營養成分都不盡相同 ** 唔同嘅微波爐設定會有所不同,請根據設定作適當調整 材料: 青瓜(切絲) 1/2條 雞胸肉 200g {醬汁} 豉油 1/2湯匙 味醂 1/2湯匙 糖 1茶匙 麻油 1茶匙 辣油(Optional) 幾滴 工具: 大玻璃碗 1個 叉 2支 細碗 1隻 湯匙 1隻 茶匙 1隻 步驟: 1)雞胸肉係玻璃碗,加熱水,入微波爐,1000W,5分鐘(如果未熟加叮2分鐘) 2)青瓜切絲備用 3)係細碗將所有醬汁撈勻 4)雞胸肉撈起,用2隻叉撕開雞胸肉,加入青瓜絲撈勻 5)將醬汁加入青瓜雞絲撈勻,食得!(可以整定放入雪柜) *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 「無火免焗食譜交流中心」逢星期六更新,同大家分享簡單又大眾化嘅食譜! 請Like 無火免焗食譜交流中心