玉桂係一種經常被使用係甜品嘅香料，通常都會同蘋果一齊出現，玉桂獨特嘅香味令人心擴神怡～而我就係對玉桂情有獨鍾！所以今次教大家整呢個玉桂Cupcake，味道會偏甜，所以最啱就係下午茶嘅時候配一杯咖啡或者紅茶好好享受～ 難易度：★☆☆☆☆ 卡路里：523 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： Pancake粉 4湯匙 砂糖 2湯匙 肉桂粉 1/4茶匙 牛奶 3湯匙 油 1湯匙 朱古力 1粒 ｛裝飾｝ 肉桂粉 1/8茶匙 砂糖 1/2湯匙 工具： 中杯 1隻 湯匙 1隻 茶匙 1隻 步驟： 1）係杯混合Pancake粉、砂糖同肉桂粉 2）加入牛奶同油攪勻 3）將朱古力埋入粉漿 4）入微波爐，1000W，1分30秒，或直至表面結實 5）混合肉桂粉同砂糖，灑上面，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
