呢個日式豬肩又簡單又好味～最重要嘅係諗唔到煮乜餸嘅時候，簡簡單單就可以整到個肉類嘅菜色，係咪好方便呢～～不過要切記！豬肉係唔可以生食的～如果萬一切開未熟透，千祈唔好怕麻煩，一定一定要再叮呀～～ 難易度：★★☆☆☆ 卡路里：910 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 豬肩肉 400g 洋蔥（切絲） 半個 薑蓉 1茶匙 酒 50ml 水 適量 豉油 1/2湯匙 味醂 1/2湯匙 顆粒芥末醬 1湯匙 鹽&胡椒粉 少許 工具： 碟 1隻 細碗 1隻 大玻璃兜（我係用1.5L嘅西方形康寧煲） 1個 湯匙 1隻 步驟： 1）豬肉用鹽同胡椒粉醃20分鐘 2）豬肉放入大玻璃兜，加洋蔥絲、薑蓉、酒，最後加水至完全蓋過豬肉，蓋好入微波爐，800W，20分鐘 3）叮緊嘅同時準備醬汁，係細碗將豉油、味醂同顆粒芥末醬撈勻 4）豬肉撈起切片，淋上醬汁，食得！（萬一切開未熟透，千祈唔好怕麻煩，一定一定要再叮呀！！！） *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
