我承認呢個係一個非常邪惡既甜品小食!減少邪惡感可以用低糖Oreo或者用其他朱古力餅代替~本來我以為會好甜,但係食落又真係可以唔停咁消滅哂佢。。。所以真係好邪惡架!!!特別想提一提嘅係我覺得棉花糖多啲個口感會好啲~(雖然我本身其實唔太鍾意食棉花糖XD) 難易度:★☆☆☆☆ 卡路里:155 x 4 ** 卡路里只供參考,唔同牌子嘅材料營養成分都不盡相同 ** 唔同嘅微波爐設定會有所不同,請根據設定作適當調整 材料: 白朱古力 40g 迷你棉花糖 40g Oreo 6塊 工具: 食物盒 1個 大碗 1隻 匙羹 1隻 步驟: 1)朱古力係大碗,入微波爐,800W,30秒,攪勻,重複直至變成液體 2)Oreo略略搣碎 3)加入棉花糖同Oreo到朱古力,攪勻 4)倒入食物盒,壓實,入雪櫃,最少3個鐘 5)雪實咗之後切條,食得! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 「無火免焗食譜交流中心」逢星期六更新,同大家分享簡單又大眾化嘅食譜! 請Like 無火免焗食譜交流中心