好耐冇整意粉,加上最近迷上意大利青醬(就係西式食譜常用嘅Pesto),所以就出現咗呢個食譜~意大利青醬有分多種,大家可以係買嘅時候留意下成分,選擇自己鍾意嘅~如果大家覺得就咁食好寡嘅話可以配啲煙三文魚或者西班牙火腿一齊食~想靚啲就加啲車里茄做裝飾~之後你就問自己點解平時要係餐廳比咁多錢食呢個咁簡單易做嘅意粉 XD 難易度:★☆☆☆☆ 卡路里:566 ** 卡路里只供參考,唔同牌子嘅材料營養成分都不盡相同 ** 唔同嘅微波爐設定會有所不同,請根據設定作適當調整 材料: 螺絲粉 100g 鹽 少許 意大利青醬(Pesto) 2湯匙 熱水 適量 工具: 大碗 1隻 湯匙 1隻 步驟: 1)意粉係碗到用熱水浸過面 2)加鹽攪勻,入微波爐,900w,5分鐘 3)輕輕攪拌,再叮,3分鐘 4)隔走水份,加少許鹽同意大利青醬攪拌,食得! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 「無火免焗食譜交流中心」逢星期六更新,同大家分享簡單又大眾化嘅食譜! 請Like 無火免焗食譜交流中心