上次整完個五目飯之後仲有d糯米淨咗係度，所以今次我哋就整個臘味糯米飯啦！！當然微波爐叮嘅就無生炒甘香，不過其實都好好食！最緊要係唔使開火呀嘛～ 難易度：★★★☆☆ 卡路里：480 x 2 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 糯米 1杯 冬菇（切粒） 3隻 臘腸（切粒） 1條 水 3/4杯 芫茜 少許 ｛調味料｝ 生抽 2.5湯匙 老抽 半湯匙 味醂 3湯匙 鹽 半茶匙 酒 1湯匙 工具： 大玻璃兜（我係用1.5L嘅西方形康寧煲） 1個 碗 1隻 湯匙 1隻 步驟： 1）糯米浸水30分鐘，隔水 2）加入冬菇粒同臘腸粒攪勻 3）係碗將所有調味料攪勻，然後倒入玻璃兜攪勻 4）蓋好入微波爐，600W，15分鐘 5）拎出嚟，加芫茜攪勻，再入微波爐，600W，15分鐘，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
