好多人都唔知其實微波爐係可以煮飯架！我亦都相信有好多人同我一樣都鍾意食日本嘢～所以今次試下整個五目飯～呢個日式雞柳五目飯由於係用糯米嘅關係，真係堅飽肚！當午餐食嘅話真係唔會成日口痕想食下午茶！材料唔算難買，做法都簡單嘅～不過係準備功夫多啲。。。但係值得嘅～因為真係好好食！！ 難易度：★★★★☆ 卡路里：538 x 2 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 糯米 1杯 雞髀肉（切絲） 100g 牛蒡（切絲） 1/4條 紅蘿蔔（細，切絲） 半條 冬菇（切絲） 2－3隻 蒟蒻（切絲） 60g 水 120ml ｛調味料｝ 豉油 3湯匙 酒 1湯匙 味醂 3湯匙 鹽 1/2茶匙 工具： 大玻璃兜（我係用1.5L嘅西方形康寧煲） 1個 碗 1隻 湯匙 1隻 步驟： 1）糯米浸水30分鐘，隔水 2）牛蒡絲浸水10分鐘，隔水 3）將所有材料切絲然後係玻璃兜撈勻 4）係碗將所有調味料攪勻，然後倒入玻璃兜攪勻 5）蓋好入微波爐，600W，15分鐘 6）拎出嚟攪勻，再入微波爐，600W，15分鐘，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
