上次個豬肉卷整完仲有好多溫室豆苗剩咗係度，所以就再買d肉食埋佢～我另外都試過用打邊爐個d肥牛代替豬肉片，不過就唔使叮咁耐～因為牛快熟d～同埋因為本身無乜落調味，所以食嘅時候除咗可以點豉油，都可以點其他醬料，例如沙爹醬之類～呢個餸真係又方便又快捷～～仲可以根據自己嘅喜好放唔同嘅菜或者加唔同嘅調味一齊叮！ 難易度：★★☆☆☆ 卡路里：498 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 新鮮豬肉片 300g 銀芽 70g 溫室豆苗 50-60g 麻油 少許 味醂（みりん, Optional）2湯匙 酒 2湯匙 工具： 大有蓋微波爐煮食鍋 1個 湯匙 1隻 步驟： 1）蔬菜洗淨，豬肉用麻油撈一撈 2）將一半銀芽平鋪鍋底，之後放一半溫室豆苗，之後一半豬肉。重複一次。 3）係肉面淋上味醂同酒 4）蓋好，入微波爐，500w，10分鐘，如果水分太多就隔咗啲水佢。 5）加少少豉油，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
