上次個Oreo芝士蛋糕杯之後我一直想整多次咖啡味～平時係街食嘅咖啡甜品硬係成日覺得唔夠咖啡味同得個甜字。。。趁呢排好似又無咁凍，一於坐言起行！整嘅時候最好一路試味，咁先可以調較到最啱你嘅口味！ 材料： 即沖咖啡粉（無糖無奶個d） 3茶匙 Cream Cheese 250g（室溫） 瑪莉餅 16塊 糖 6湯匙 牛油 2湯匙 工具： 透明玻璃杯 2隻 大碗 2隻 細碗 1隻 湯匙 1隻 步驟： 1）將瑪莉餅係大碗壓碎備用 2）係另一隻大碗將cream cheese同糖攪勻直至完全混合無糖沙 3）將咖啡粉加入cream cheese攪勻，直至完全混合 4）牛油喺細碗，入微波爐，600W，15秒（如果未完全變液體，可以用匙羹攪勻） 5）留起3－4湯匙餅碎備用，其餘倒入牛油攪勻 5）將牛油餅碎平均鋪係杯底用匙羹壓實 6）倒入cream cheese 7）用剩低嘅餅碎鋪面裝飾 8）用保鮮紙蓋好，入雪櫃，最少2個鐘，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「微波爐食譜交流中心」已正式改名為「無火免焗食譜交流中心」，繼續分享更多簡單又大眾化嘅食譜！ 請Like 無火免焗食譜交流中心
