聖誕快樂！！又到聖誕呢d日子就預左會肥架啦～所以今日唔好睇卡路里！整個超邪惡甜品慶祝下啦～ 其實我一直覺得就咁食Oreo好甜，不過Oreo芝士蛋糕又唔同講法！但係講真又唔食得多⋯⋯冇理由下下為咗食一件而整一大個cheesecake架嘛～所以今次同大家分享呢個芝士蛋糕杯食譜咁大家口痕嘅時候可以多個選擇～呢個食譜係兩個人嘅份量，如果淨係想整一杯的話，所有材料減半就可以。 雖則好睇又好食，不過糖分同卡路里係極高，所以大家都係間唔中奬勵下自己好啦～ 材料： Oreo 16塊 Cream Cheese 250g 糖 5湯匙 牛油 2湯匙 工具： 透明玻璃杯 2隻 大碗 2隻 細碗 1隻 湯匙 1隻 步驟： 1）將14塊 Oreo係大碗壓碎備用（我係用玻璃胡椒粉樽底壓的～） 2）係另一隻大碗將cream cheese同糖攪勻直至完全混合無糖沙 3）牛油喺細碗，入微波爐，600W，15秒（如果未完全變液體，可以用匙羹攪勻） 4）將一半餅碎倒入牛油攪勻 5）餘下嘅餅碎分3份，2份倒入cream cheese攪勻，剩低1份備用 6）將牛油餅碎平均鋪係杯底用匙羹壓實 7）倒入cream cheese 8）剩低嘅餅碎鋪面，再搣碎1塊Oreo做裝飾 9）用保鮮紙蓋好，入雪櫃，最少2個鐘，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「微波爐食譜交流中心」已正式改名為「無火免焗食譜交流中心」，繼續分享更多簡單又大眾化嘅食譜！ 請Like 無火免焗食譜交流中心
