朱古力雖然唔稱得上人見人愛，但係我諗絕大部份人都唔抗拒朱古力！就泥聖誕，不如今年就親手做呢個Chocolate Truffle送俾特別嘅佢～簡單得來又有心思～相信收到嘅人一定會好開心！ 呢個份量大概整到18粒，除咗最經典用可可粉裝飾之外仲可以用椰絲或者果仁碎～如果想口感特別啲可以用餅碎加小小鹽，如果唔怕麻煩，更加可以溶咗啲白朱古力coat上去！ 材料： 朱古力 200g（朱古力嘅質素好重要） 鮮忌廉 70ml 可可粉 5湯匙（椰絲或者果仁碎） 工具： 微波爐有蓋玻璃飯盒 1個 碗 1隻 湯匙 1隻 茶匙 2隻 步驟： 1）整碎啲朱古力放入飯盒，加鮮忌廉，入微波爐，900W，30秒 2）令出嚟攪勻，入微波爐，900W，30秒，拎出嚟搞到朱古力同鮮忌廉完全混合（如果仲係太凍搞唔混，可以加叮10秒） 3）當朱古力同先忌廉完全混合冇粒粒，蓋上盒蓋放入雪櫃，雪2個鐘 4）用碗裝起可可粉 5）用兩隻茶匙將朱古力搓成球狀，然後占上可可粉，食得！（如果要拎出門，先最少再雪2個鐘） *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「微波爐食譜交流中心」已正式改名為「無火免焗食譜交流中心」，繼續分享更多簡單又大眾化嘅食譜！ 請Like 無火免焗食譜交流中心
