唔係講笑，呢個真係好食！又方便又飽肚，又有營養～做早餐又得～下午茶小食又得～好過你食炸脾加薯餅先啦～XD 想再健康啲可以落少啲芝士同埋用脫脂奶代替，不過如果完全唔落芝士就會冇咁好食，所以點都落2湯匙啦～^皿^ 如果當早餐來講，呢個份量大概360卡路里，講真唔算太高，而且仲好好食～真係值得一試！ 材料： 雞蛋 1隻 牛奶 70ml（大概5湯匙） 白麵包 1片 芝士碎 3湯匙 熟火腿 1片 鹽 少許 胡椒粉 少許 工具： 大杯 or 碗 一隻 湯匙 一隻 步驟： 1）係杯將蛋同牛奶打勻 2）麵包切粒，火腿切碎 3）將火腿碎、麵包粒、芝士碎、鹽同胡椒粉加入杯中攪勻 4）入微波爐，900W，2分鐘（如果未熟再加30秒，直至蛋漿熟透），食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「微波爐食譜交流中心」已正式改名為「無火免焗食譜交流中心」，繼續分享更多簡單又大眾化嘅食譜！ 請Like 無火免焗食譜交流中心
