早餐唔想食白麵包，咁不如泥個香甜咖啡麵包布丁啦～呢個麵包布丁融合咗最常見嘅早餐成份，包括雞蛋、麵包、仲有我嘅必需品—咖啡！依家一杯搞掂晒，冬天食仲暖笠笠添～如果唔想食咖啡味，可以用3茶匙糖來代替即沖咖啡，如果有，可以加多半茶匙玉桂粉，會係完全另一番風味！ 雖然呢個麵包布丁有286卡路里，但係相對飽肚～朝頭早做早餐又可以暖下個胃，仲有陣陣咖啡香～非常醒神！ 材料： 雞蛋 1隻 牛奶 60ml（大概4湯匙） 3合1即沖咖啡 半包（想濃啲可以放多啲） 糖 1茶匙 白麵包 2片 工具： 大杯 一隻（杯身要高，因為麵包吸左蛋漿受熱會漲起） 茶匙 一隻 步驟： 1）係杯將牛奶、糖同咖啡粉攪勻，之後加入蛋打勻 2）麵包切粒，加入杯中攪勻，務求要令到每粒麵包都沾有蛋漿（理論上蛋漿會比麵包索得七七八八） 3）入微波爐，900W，2分鐘（如果仲係太濕就加多30秒），食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「微波爐食譜交流中心」已正式改名為「無火免焗食譜交流中心」，繼續分享更多簡單又大眾化嘅食譜！ 請Like 無火免焗食譜交流中心
