麥皮健康就係人都知,但係就咁水煮麥皮相信冇乜邊個頂得順⋯⋯為咗令自己好過啲,牛奶麥皮真係好味好多~但係平時出面食到嘅牛奶麥皮係用煉奶⋯⋯而煉奶係超肥的!!依家係屋企用微波爐就煮到又健康又好味嘅牛奶麥皮,仲有震震嘅玉桂香~終於可以做健康寶寶~至於Topping⋯⋯都係個人喜好嚟嘅啫~唔加都得既~不過如果全部用脫脂或者低脂其實都唔會太肥~只要減少糖份就OK! 根據我嘅材料,加左提子乾同果仁碎之後咁樣一碗仔係241卡路里,如果你完全唔落Topping我諗卡路里可以降低到200!所以我都consider呢個係一個低卡早餐或者小食~ 材料: 快熟麥皮 4湯匙 玉桂粉 1/4茶匙 黃糖 2茶匙 牛奶 4湯匙 熱水 100ml(大概半杯) {Topping} Cream cheese 1湯匙 牛奶 1茶匙 粉糖 2湯匙 果仁碎 少許(optional) 提子乾 少許(optional) 工具: 中碗 一隻 細碗 一隻 湯匙 一隻 茶匙 一隻 步驟: 1)將快熟麥皮、玉桂粉、黃糖、牛奶同埋熱水係中碗到攪勻 2)Cream cheese放喺細碗,如果係啱啱喺雪櫃拎出嚟就入微波爐,600W,20秒,之後係碗攪溶佢 3a)麥皮入微波爐,600W,2分鐘,拎出嚟攪勻,再入微波爐,600W,30秒 3b)將粉糖同牛奶加入cream cheese攪勻 4)灑上果仁碎同提子乾,Cream cheese醬淋上面,食得! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 「微波爐食譜交流中心」已正式改名為「無火免焗食譜交流中心」,繼續分享更多簡單又大眾化嘅食譜! 請Like 無火免焗食譜交流中心