我身邊有好多朋友鍾情於Tiramisu,就連我媽咪唔多鍾意食西式甜品,每次去食自助餐或者去鋸扒,甜品一定會揀佢!我諗,Tiramisu最吸引人嘅就係嗰種陣陣咖啡香,加甜甜嘅芝士cream,令人愛不釋手~另外,由於我嘅宗旨係志在分享唔使開火亦都唔使用焗爐既食譜,除咗經典嘅cheesecake,又點少得呢個意大利芝士餅 Tiramisu呢? 呢個食譜可以切到八件Tiramisu出泥,根據我嘅材料,一件係186卡路里,其實相對低卡,最適合用來奬勵經過一日辛勞嘅自己!不過始終係甜品,糖分高,記住少食多滋味呀~^0^ 材料: {Cream} 雞蛋 三隻 糖 三湯匙 雲呢拿香精 5g Mascarpone Cheese 250g 鹽 1/4茶匙 {餅} 即沖咖啡粉 7茶匙(要無糖無奶個d) 熱水 350ml Amaretto 2湯匙(無就準備5g冧酒香精,都無的話可以唔加) Ladyfinger 24條(有糖係面個 d粗手指餅) {裝飾} 可可粉 適量 工具: 大湯碗 兩隻 高身平底碗 一隻 發蛋器 一把 湯匙 一隻 28cm x 20cm 大碟一隻 步驟: 1)用熱水沖開咖啡,放埋一邊攤凍備用 2)將Mascarpone Cheese喺雪櫃拎定出嚟,放埋一邊備用 3)將三隻雞蛋嘅蛋黃同蛋白分開放喺兩隻大湯碗入面 4)將三湯匙糖加入蛋黃嘅碗打勻,放入微波爐,600w,5秒,拎出嚟攪勻,重複一至兩次(小心唔好叮熟咗d蛋黃) 5)將雲呢拿香精加入蛋黃攪勻 6)再加入Mascarpone Cheese,攪勻至完全滑溜冇粒粒 7)呢個時候將Amaretto(或者冧酒香精)加入咖啡輕輕攪勻 8)另一邊廂,將蛋白打到泡泡狀(千萬記得工具一定要洗乾淨!唔可以有水或其他雜質,否則蛋白係打唔到泡泡架!),之後慢慢加入鹽同埋兩湯匙糖打勻(最辛苦係呢個步驟,如果你有電動攪拌器,恭喜你!如果你冇就順便當減肥,以高速摩打手一字型來回將啲蛋白打到變泡泡) 9)將一半蛋白泡泡加入Mascarpone Cream,用fold-in嘅手法攪勻 10)將成碗混合物倒入剩餘嘅蛋白泡泡入面,繼續用fold-in手法令所有野充分撈勻(泥到呢步個cream終於完成na!!) 11)先係大碟掃上一層cream,之後將手指餅快速浸一浸咖啡然後用6 x 2既長方形擺法放喺層cream度 12)鋪完第一層餅之後,喺面頭鋪上一層厚cream 13)重複11)同12) 14)放入雪櫃雪過夜,食之前將可可粉篩上面,終於食得! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 「微波爐食譜交流中心」已正式改名為「無火免焗食譜交流中心」,繼續分享更多簡單又大眾化嘅食譜! 請Like 無火免焗食譜交流中心