唔知大家知唔知呢，其實豆類對身體係好有益嘅，佢含有豐富嘅蛋白質同纖維，所以好多纖體餐單或者健身餐單都有豆類，尤其係黃豆。雖然罐頭茄汁焗豆聽落就唔多健康架na～但係佢嘅營養價值仍然存在！所以作為普通小食，呢個茄汁焗豆芝士多士會係一個唔錯嘅選擇。（點都好過你食薯片或者公仔麵掛 ^皿^）我知道唔係每個人屋企都有多士爐，咁唯有去麵包舖買現成多士，或者用一啲硬身嘅麵包，好似法包嗰啲，我都試過用英式鬆餅，即係好似M記豬柳蛋漢堡嗰啲包，一樣咁好味！ 張相只係影咗一份多士，因為另外一份係微波爐拎出嚟嘅時候我唔小心冼手⋯⋯所以⋯⋯Any肥，以下份量可以整兩份嘅，Total只係大約300卡路里，又飽肚又好味，仲唔快啲試下～ 材料： 現成多士 2片 低鹽茄汁焗豆 100g 片裝芝士 1片 工具： 碟 一隻 叉 一隻 步驟： 1）用叉將茄汁焗豆鋪係多士上面，儘量隔走d汁 2）芝士切半鋪面，入微波爐，600w，40秒，食得！ P.S. 如果你兩塊一齊叮就1分鐘，芝士溶咗就OK！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 請Like 微波爐食譜交流中心
