好多人一聽到用微波爐煮意粉,都會露出一個驚訝嘅表情,之後問:「乜意粉可以用微波爐煮嘅咩?」答案就梗係得啦~仲好容易tim~不過用得微波爐煮,最多都係一至兩個人嘅份量,如果你想整十幾個人嘅份量,咁就開火煮啦! 煮好嘅意粉可以用來做沙律,涼拌,又或者加罐頭湯做湯意粉,唔怕麻煩落鑊加其他配料炒又得~(不過咁就會失左既方便又快捷嘅原意 ^皿^) 材料: 意粉 100g (多數用螺絲粉,貝殼粉,蝴蝶粉之類一粒粒嘅) 鹽 半茶匙 牛油 1茶匙 熱水 適量 工具: 碗 一隻 茶匙 一隻 步驟: 1)意粉係碗到用熱水浸過面 2)加鹽攪勻,入微波爐,900w,5分鐘 3)輕輕攪拌,再叮,3分鐘(如果唔係特別厚身嘅意粉,基本上已經熟透,未得就加叮1分鐘) 4)隔走水份,趁意粉仲熱加牛油攪拌,搞掂! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 請Like 微波爐食譜交流中心