Chocolate Cheese Cake睇落係咪高級過朱古力芝士蛋糕呢~(大誤)話說我其實想整Cheese Cake好耐,不過一諗起又要壓餅又要攪Cream Cheese就懶⋯⋯不過臨近考試點都想鼓勵下自己~順便當做運動啦~咁食起上泥會無咁有罪疚感(XD) 呢舊野係好肥架~不過耐唔耐一次無所謂啦~by the way,呢個份量應該分到10-12件的,所以請大家自行斟酌要用幾大個盒。 材料: {餅底} 高纖麥餅 10片 低脂牛油 200g {朱古力芝士} 低脂忌廉芝士 400g 朱古力 200g 魚膠粉 9g 糖 100g 脫脂牛奶 150ml 室溫水 50ml {裝飾} 糖粉 可可粉 工具: 大食物盒一個 大碗一隻 細碗一隻 湯匙一隻 步驟: 1)壓碎麥餅(有咁碎得咁碎) 2)係細碗叮溶牛油,大概600w,10秒(直至完全溶化) 3)將餅碎倒入牛油攪混 4)將牛油餅碎倒入食物盒壓實,入雪櫃,最少2個鐘 5)忌廉芝士係大碗攪溶(杰撻撻但係無一舊舊) 6)係細碗用室溫水開魚膠粉,入微波爐,600w,10秒(直至完全溶化) 7)加奶入魚膠水攪混 8)加糖入魚膠奶攪混 9)將魚膠糖奶(XD)慢慢倒入忌廉芝士攪混 10)係細碗將朱古力叮溶,600w,20秒(直至完全溶化) 11)將朱古力倒入忌廉芝士混合物攪混 12)將朱古力芝士混合物倒入食物盒,入雪櫃,最少4個鐘, 13)切好,加裝飾,終於食得! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 請Like 微波爐食譜交流中心