一個人真係好難有動力開火煮餐勁既⋯⋯但係公仔麵又唔可以成日食（好唔健康架麻～）⋯⋯唔通真係日日沙律三文治咩⋯⋯所以今日同大家分享一下我經常叮既芝士意粉！順帶一提，雖然減肥成日都話要戒碳水化合物，但係我唔太Buy，因為如果身體吸收唔夠碳水化合物皮膚會變得好乾。所以如果你本身係乾性皮膚就千祈唔好搵自己較飛！（利申：混合性皮膚 & 減肥中） 呢碗螺絲粉大概450卡路里，如果weekday做午餐可能會唔夠飽，咁可以因應個人口味加配料～例如煙肉碎、溫泉蛋之類～ 材料： 螺絲粉 100g 牛奶 100-120ml 熱水 適量 芝士碎 50g 鹽 少許 胡椒粉 少許 羅勒（Basil） 少許 辣椒粉 少許 工具： 可盛水高身碟／碗 一隻 匙羹／叉 一隻 步驟： 1）熱水完全蓋過螺絲粉，加入鹽攪混，入微波爐，900w，5分鐘 2）隔走熱水［小心熱！］，加入牛奶（岩岩到面就OK，唔洗蓋過螺絲粉），胡椒粉，羅勒，辣椒粉，鹽攪混，入微波爐，900w，3分鐘（如未熟加叮1分鐘） 3）由得佢係微波爐30秒 4）加入芝士攪混，直到芝士完全溶化，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 請Like 微波爐食譜交流中心
