話說上次整完Browines仲有好多Pancake粉淨,所以我又上網睇下d日本仔仲有咩搞作~哈!朱古力蛋糕!很有趣~就你啦! 出奇地易整!味道唔錯~係口感略乾⋯⋯可能係我之後加叮太耐⋯⋯anyway,推薦一試!切左出泥加d伴碟都似模似樣架~ By the way, 幾日之後我又整多次,今次冇用cream cheese,改用朱古力碎,效果果然好好多!不過,記得要同人分享呀~XD 材料: Pancake粉100g 可可粉三湯匙 牛奶兩湯匙 沙糖三湯匙 油兩湯匙 蛋一隻 Cream Cheese 40g (可改用其他,例如白朱古力碎) 工具: 蛋糕兜一個 碗一隻 叉一隻 湯匙一隻 步驟: 1)佢碗到發好隻蛋 2)加入牛奶、沙糖、油,攪勻 3)將可可粉同pancake粉係蛋糕兜攪勻 4)將牛奶混合物倒入蛋糕兜同可可pancake粉攪勻 5)搞到完全無粉粒之後入微波爐,600w,1分鐘 6)灑上Cream Cheese粒(或者其他裝飾) 7)入微波爐,600w,1分40秒,食得!(如果未熟再加15秒) *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 請Like 微波爐食譜交流中心