早排疫情仲係零感染嘅時候，小妹同朋友都去咗唔同酒店嘅餐廳食飯，貪佢人少，衛生亦較佳。於是今次小妹總結咗6間酒店餐廳，都屬高質之輩，畀大家一啲開餐參考。1)CP值超高的自助餐@The Market位於尖沙咀Hotel Icon內嘅The Martket，出名係CP值高嘅自助餐，小妹食呢間餐廳嘅自助晚餐係因為Join咗佢「食加住」嘅Staycation(二人價值$1650)，只係每人加$200就可以食到原價每人約$700嘅自助晚餐，計起上嚟都幾抵。呢個自助餐仲要做緊榴槤主題，最吸引我嘅除咗任食嘅原隻龍蝦、蟹腳、龍蝦鉗、海蝦、青口等海鮮外，就係佢不計成本嘅榴槤鹹、甜品，仲有無限任添嘅新鮮榴槤果肉(完全冇加其他嘢，係真嘅榴槤肉)同榴槤雪糕。點擊圖片放大 +12 此外，其他冷熱食、印度菜、意大利菜、廣東小炒等選擇都多，值得一試！惟獨佢冇供應生蠔，鍾意食生蠔嘅朋友或者會卻步。點擊圖片放大 +2 地址：尖沙咀科學館道17號唯港薈2樓營業時間：星期一至日06:30 - 22:00電話：340013882)高級精緻西餐@The Tai Pan位於中環美利酒店嘅The Tai Pan，主打賣相精緻嘅高級西餐，雖然講就係高級西餐，但價錢非常相宜，Lunch Set或Dinner Set由$400至$1000不等，視乎你食幾多道菜同埋想食咩食材。小妹食呢間餐廳亦都係因為Book咗酒店嘅Staycation(二人價值$3300)，呢餐晚餐係包埋喺入面，有四道菜。 前菜方面，小妹同朋友嗌咗龍蝦沙律同蟹肉意大利飯，前者係凱撒沙律上加上足一隻嘅波士頓龍蝦，龍蝦肉新鮮彈牙；後者係撈滿蟹肉嘅意十利飯，但份量有啲多，細食嘅女仔可能食完就飽。 餐湯方面分別係粟米濃湯同意大利雲吞配牛骨湯，前者香甜濃郁，後者清新豐潤。點擊圖片放大 主菜方面，一個係豬鞍，一個係煎鱸魚，水準之上。 甜品較驚喜，「黑森林」居然係份子料理形式嘅甜品，朱古力雪葩、紅桑子雪葩、原粒車厘子分開上，擺埋一齊食就係朱古力黑森林嘅味道，但分開食又好有趣。 蘋果金寶非常香脆，但雪糕用咗核桃雪糕，較為搶味，如果用返雲呢嗱雪糕會更好！ 個Package仲包咗呢間餐廳嘅早餐同另一間餐廳Popinjays嘅下午茶Tea Set，早餐係半自助式，主菜方面中、西式任嗌，只要你食到幾多，就可以嗌幾多，食物係同一個廚房出品，一樣冇得輸。至於下午茶就待下面介紹。地址：中環紅棉路22號The Murray, Hong Kong酒店花園樓層營業時間：星期一至日12:00 - 14:30,18:30 - 22:30電話：314188883)藝術廊中的午後茶點@Popinjays同樣位於中環美利酒店嘅天台餐廳及酒吧Popinjays，主要提供高級歐陸式餐點，餐廳裝潢成藝術館一樣，到處都掛滿畫作，每個角落亦有唔少藝術品，而每張枱都係港女最愛嘅大理石紋枱。點擊圖片放大 +5 小妹係食Package入面嘅下午茶Tea Set，鹹、甜點各自五件，鹹食有黄咖哩雞泡芙、羅勒香蒜火腿漢堡包、紅菜頭羊肉墶、三文魚青瓜包同鵝肝青蘋果多士。而甜食有開心果紅桑子萢芙、芒果椰子慕斯蛋糕、Valrhona海鹽朱古力蛋糕、薄荷芝士雜莓馬卡龍同草莓柚子墶，五五比例非常Balance，食吓鹹點又食吓甜點，唔會太膩，而且食物質素都頗高，唔會話有假味或者怪味。地址：中環紅棉路22號The Murray, Hong Kong酒店26樓營業時間：星期一至五12:00 - 23:00,星期六11:30 - 01:00,星期日11:30 - 23:00電話：314188884)傳統英式座地下午茶@廷廊Palm Court要講到下午茶嘅龍頭，一定係半島，但係朗廷酒店嘅下午茶喺香港都有一定地位。位於尖沙咀朗廷酒店嘅下午茶，係傳統英式下午茶嘅代表。可能令大家最新奇嘅係佢座地式嘅三層架，但小妹最欣賞嘅係佢竟然有只提供鹹點嘅Tea Set！點擊圖片放大 +7 香港大部分酒店嘅Tea Set都係以甜點為主，又或者半鹹半甜，小妹惟一食過全鹹點Tea Set嘅地方，就係喺英國，所以佢真係傳統英式下午茶嘅代表！地址：尖沙咀北京道8號香港朗廷酒店大堂營業時間：星期一至日07:00 - 00:00電話：213278985)Gin酒愛好者勝地@Artesian同樣位於朗廷酒店內嘅Artesian係一間主打Gin酒嘅酒吧，年中吸引好多Gin酒愛好者去朝聖。點擊圖片放大 小妹今次參加咗酒店Package入面嘅Gin酒體驗，試咗傳統雞尾酒Gin &Tonic，調酒師選用一隻充滿西柚香氣嘅Gin酒，再加上色澤粉紅嘅士多啤梨味Tonic水，客人可以自選配料如乾果、香草等，飲落甜美易入口，非常適合女仔。地址：尖沙咀北京道8號香港朗廷酒店大堂營業時間：星期一至日15:00 - 00:00電話：213278986)美式風味快餐@Main St. Deli一般五星級酒店好少有美式快餐龐，而朗廷入面就有一間主打美式快餐嘅餐廳。小妹同朋友係嗌Room Service，嗌咗一個脆辣雞排漢堡配蕃薯條，另外再加一個水牛城雞翼。 漢堡質素一般，雞肉好「鞋」口，但醬汁、酸瓜、各式蔬菜等加埋就好好味，仲有蕃薯薯條，咬落香甜脆口，正到爆！ 而水牛城雞翼則整得恰到好處，雞肉嫩滑多汁，醬汁香辣惹味，值得一試！地址：尖沙咀北京道8號香港朗廷酒店低層大堂營業時間：21327898電話：星期一至五12:00 - 21:00，星期六至日11:00 - 21:00Blog：http://blog.ulifestyle.com.hk/blogger/shinysharon/Facebook：https://www.facebook.com/hongkonggirl331
