對於京菜，小妹我有一定要求，爆、烤、涮、溜、炸、燒、醬、拔絲等一概做到一絲不拘，北京烤鴨、京醬肉絲、涮羊肉、芥末墩兒、罈子肉... ...只要試過純正老北京風味嘅菜餚，必定一試難忘，而喺香港，要搵到一間好食而純正嘅京菜館，真係非常唔容易，而呢一間位於尖沙咀嘅京菜館，喺香港可以話係其中一間較出名嘅店鋪。點擊圖片放大 有別於新派嘅京菜館，呢度堅持以老北京裝潢，紅木桌椅、硬木相間嘅天花、棕色奢華浮雕、京劇面譜、灰綠色磚牆、仿老虎皮毛... ...畀人一種嚴謹穩重、氣勢威嚴、古色古香嘅感覺，每張枱下都有一個金魚缸，琉璃桌面可以盡觀魚兒百態，客人可以一邊用餐，一邊觀賞金魚，寧靜別致中又帶有一點生機。點擊圖片放大 +6 可惜嘅係，招牌北京烤鴨做得一般，鴨皮烤得未夠香脆，油脂散而肥膩，欠甘香，鴨肉肉汁未有充分保留，令口感乾「鞋」，即便香港無法做到北京嘅果木加大燜／掛爐烤焗，一般焗爐我亦不相信會做成這樣。這個烤鴨只有一食，就係用大蔥絲、青瓜絲、甜麵醬同薄餅卷住食，略顯單調。另外嗌咗個炸醬麵，味道不過不失。點擊圖片放大 +2 如此喺裝潢上一絲不拘嘅餐廳，理應喺食物上都要花啲心機，咁先可以為客人帶嚟色、香、味俱全嘅體驗。小妹我只係為呢間京菜館抱不平，大感可惜。 店名：北京老家 電話：34622518 地址：尖沙咀加拿分道25-31號國際商業信貸銀行大廈8樓 營業時間：星期一至日11:00 - 15:00，17:30 - 23:00
