相信大家第一次飲茶嘅體驗,一定係同爸爸媽媽一早去茶樓等位,嗌個一盅兩件。不過好多人都覺得飲茶係老餅嘢,好多茶樓都大搞新花樣,唔再係傳統嘅蝦餃燒賣;但係亦有茶樓依然保持住傳統,沒有「最舊」,只有「更舊」,推出懷舊菜,令男女老少都回味! (1)花款多嘅餐館式茶樓@唐宮小聚 點擊圖片放大 +4 好多試過「唐宮」嘅朋友都覺得佢嘅點心拋開傳統,花款多又得意。要講佢係一間茶樓,唔係,話係餐廳,又唔完全係,不過佢真係集結咗餐廳同茶樓於一身!喺呢度完全搵唔到一般茶樓嘅傳統點心,反而係一啲創新嘅小點。 好似點心拼盤「點來聚聚」($69)就有墨魚汁餃、芋蓉流沙包、柚子蝦餃、奶香糕同紅菜頭餃,認真中西合壁。 炒蝦腸粉($79)係以XO醬、豉油,用原隻鮮蝦炒豬腸粉,爽口Q彈。 主打嘅白玉王鴿($33/一隻)皮脆肉嫩,最啱送店內推出嘅梅酒(飲茶定飲酒?)。 黑金流沙($49)其實係奶黃包,只不過外表係黑色,味道同傳統嘅大同小異,怕黑人士可以唔嗌。 非常山竹($39)外表睇似紫色版煎堆,實際上內餡係龍蝦汁蟹肉,味道有趣。 點擊圖片放大 +2 如果大家想食埋晚飯,店內都有一啲創新小菜,好似燉烏雞湯、火焰菠蘿牛肉、荷葉飯等,都係唔錯嘅選擇。 店名:唐宮小聚 地址:荃灣楊屋道1號荃新天地1期UG層43及81號舖 電話:28080910/28080981 營業時間:星期一至日11:30 - 15:30,17:30 - 21:30;公眾假期11:30 - 15:30,17:30 - 21:30;公眾假期前夕11:30 - 15:30,17:30 - 21:30 ___________________ (2)傳統懷舊老店@蓮香棧 如果你係一個懷舊嘅人,一定唔可以錯過「蓮香棧」,上至裝修,下至菜式,都離唔開傳統兩個字。點擊圖片放大 +3 一行入去,古色古香嘅仿紫壇木裝潢,令人猶如去咗七、八十年代,天花板掛滿吊扇,牆上又掛上雀籠... ...呢啲都係舊式茶樓嘅特色!座位嘅枱有兩層,面層係擺點心,下層係擺客人嘅物品。聽講以前嘅茶樓係按蒸籠計數,好多茶客都會將啲籠收喺下層,咁就可以瞞天過海,收少幾籠錢。不過大家千祈唔好咁做,係犯法架(當然依家用點心紙或電腦落單,想走數都難)!點擊圖片放大 +2 點心方面,蝦餃燒賣鳳爪等傳統點心係必備,但小妹只聞其名,未嘗其味嘅一定非「金錢雞」莫屬!原本以為係雞肉點心嘅我,一食就滿口油花,原來係膽固醇超高嘅豬肉、雞肝同肥豬肉夾成嘅三高組合,將佢哋切成圓形,串埋一齊燒,燒嘅時候塗上蜜糖同麻油,外表似叉燒。晴天霹靂後就係一陣甘、香、甜、潤嘅滋味,咁大個女第一次食咁得意嘅嘢!店內仲有另一傳統美食——鴨掌包,但為咗健康著想,下次先試! 另外,佢仲有薑汁糕,呢款手工菜要逐層蒸,超花功夫同時間,只有老店先有咁嘅功力!食落薑味濃郁又Q彈,係落足料之作!點擊圖片放大 +2 店名:蓮香棧 地址:荃灣蕙荃路22-66號綠楊坊L1樓P9-9A號舖 電話:24986330 營業時間:星期一至日06:30 - 22:00