日本人嘅想像力無限，將水果融入三文治之中可謂奇怪又大膽嘅做法。我哋食嘅三文治一般都係以火腿、蛋、餐肉等為主，再唔係就係加入生菜、蕃茄等瓜果蔬菜，但都只屬鹹點一列，要做成甜品，真係從未諗過！ 第一次食到水果三文治係日本某知名水果店嘅放題，原本以為味道甚奇怪，點知一試愛上，軟滑忌廉再加香甜時令水果，令人欲罷不能，但估唔到嘅係，香港都有得食！ 來自日本九州嘅Ufufu Café推出嘅水果三文治（＄５８），以嚟自日本嘅芒果、士多啤梨、奇異果、香蕉等鮮果作為材料，配合奶味超重又香滑嘅微甜忌廉同軟綿綿嘅日本牛乳方包，口感同味道都超正，所以小妹要搶閘先介紹佢嘅甜品，都唔介紹鹹點住！ 而至於抹茶蕨餅（＄４８）則Ｑ彈有口感，伴隨香濃抹茶粉同焦糖味黑蜜，非常甜蜜回甘！ 鹹點方面，小妹只係試咗牛肉壽喜燒烏冬（＄９８）同九州風炸雞翼（＄４８），感覺不過不失，味道同一般日式餐廳無異，倒反而覺得點品做得一流，難怪幫襯嘅顧客大多為佢嘅甜品而嚟，尤其係店中各式芭菲，下次嚟都一定要試吓！ 店名：L.D.K. by Ufufu Café 電話：35863899 地點：葵芳興芳路223號新都會廣場3樓345A號舖 營業時間：星期一至日11:30 - 22:00 Blog：https://blog.ulifestyle.com.hk/blogger/shinysharon/ Facebook：https://www.facebook.com/hongkonggirl331
